隨著電費加價，不少家庭的開支亦大增。有港女則發文分享母親的慳電方法，但直言自己已經「頂唔順」。
該名港女日前在香港討論區以「阿媽嘅慳電方法」為題發文，提到因應電費加價，母親最近亦限制家人用電，包括「夜晚10點後就一定要熄燈唔畀人開燈」。樓主大呻，「有時夜晚有嘢要做，想開燈，但阿媽都唔畀，竟然叫我自己開手機電筒。咁樣會好傷眼㗎！」她又指，曾向母親反映意見，但對方則指電費加價，「仲開晒全間屋啲燈，講到電費好貴」。她直言，「但我又唔係冇畀家用，而且天氣咁凍，真係想開個暖爐暖下，但阿媽就話電費好貴唔畀開。唔畀開咁點解當初又要買暖爐返屋企？」她續指，「雖然電費貴咗，但應該要用嘅電都係要用㗎，都唔明阿媽咁慳做咩？」
請點擊組圖瀏覽：
相關帖文引起網民討論，有人直言「家用畀唔夠」、「咁樣慳電，真係好難頂」、「係電費加價太高，唔多用都貴咗」、「燈唔會浪費好多電」等。有人則建議「手機就返公司先叉電」、「在自已間房裝個電錶，用幾多畀返電費！大家高興」、「盡快搬走。今次慳電，下次慳水，最後慳食。好多老人都係咁又唔沖涼又唔換衫」、「畀返多家用」、「用太陽能電燈啦！好光㗎！又唔冼用電，淘寶大把，我都本身都用緊」、「如果我係你，我會同阿媽講，除咗每月家用之外，屋企全屋電費我畀晒，因為返工已經好辛苦，我唔想返到嚟凍唔畀開暖爐，同埋要我用手機電筒睇嘢」等。另有人則分享指，「試吓講，負責交電費囉。不過，未必得㗎。我初初出嚟做嘢嗰陣， 夏天叫阿媽開冷氣，我負責交電費，但係佢都係要人齊先至開冷氣」等。樓主在回覆留言時則指，「我份糧嘅一半都畀佢啦」，並直言對於母親的慳電方法，「我就頂唔順啦」。
帖文來源：香港討論區
相關新聞：
兩電加價｜中電明年加6.4％港燈加5.5％ 稱受地緣政治、燃料價格高企影響：https://bit.ly/3IsDNHP
兩電加價｜林超英$0電費 分享4招慳電大法：熱水沖涼時間3分鐘以下：https://bit.ly/3inhE34
林超英早前分享4招慳電大法
中電今年將加電費6.4%，港燈加5.5%，按年分別累計加約兩成及四成半。天文台前台長林超英早前則分享4招慳電大法，建議大家檢視生活習慣，盡量減少製冷製熱，提出四招慳電大法，第一是不開冷氣；第二是少飲冰水，而雪櫃不要太過空，保持半滿或以上，不要經常開雪櫃門。第三是洗澡盡量不用熱水，熱水洗澡時間盡量縮短，開水喉時間在兩、三分鐘以下。最後是冬天室內多穿衣服，不用暖氣暖爐，被窩可用暖水袋或膠樽裝暖水加暖，也可用50W左右電暖墊（開一兩小時促進入睡）。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
