專線小巴今日中午在觀塘道轉入鯉魚門道期間，失控撞塌路牌，小巴司機隨即暈倒。小巴在無人駕駛下繼續行駛，幸得車上一名男乘客眼見生死時速，即上前控制軚盤，令小巴順着自然衝力撞壆邊停下，救了全車乘客，只為一盡市民責任，「我都唔想死」。
相關新聞：觀塘警署對開小巴失控撞路牌 司機暈倒被困共12人傷
網球教練李先生協助制軚盤令小巴安全停下，救了成車人。梁國峰攝
救車的李先生坦言：「我都唔想死！」梁國峰攝
男同學指司機揸得好快，轉彎唔收油。梁國峰攝
傷者等待救援。梁國峰攝
小巴撞塌路牌撞壆邊始停。梁國峰攝
身為網球教練的李先生是車上乘客，他憶述意外時仍唞大氣，「佢由觀塘道轉入嚟，冇減油，一撞就成車亂，乘客嗌晒咁，車繼續高速行駛，司機暈咗，繼續炒埋去，我見佢冇反應，我見佢唔對路，即刻幫佢控制返個軚（我本身有車牌），架車繼續自然衝力，撞到壆邊停低咗！」，救了成車人，他謂只盡市民責任，不禁嘆氣：「我都唔想死！」
另一名穿校服男生乘客則表示，他上車後感到司機揸得好快，「佢冇鬧人，但就黑口黑面，轉彎唔收油，就出事，當時都好混亂。」他自己僅輕傷，並陪同需瞓擔架床的同學到醫院。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY
