黃子華主演的賀歲片《毒舌大狀》將於年三十(21日)上映，昨日他與導演吳煒倫到商台接受鄭裕玲（Do姐）的節目《口水多過浪花》訪問。被封「票房毒藥」的子華，坦言過去一年是大豐收的一年，除演出舞台劇《最後禮物》及電影《飯戲攻心》皆獲得亮麗成績，還有今年上映的賀歲片，共推出三個作品，子華表示很感恩遇到好的角色：「三個都係正劇人物，三個角色都寫得好好，如果寫得唔好睇，我都冇乜興趣做，其實我幾鍾意做喜劇㗎！依家我有啲驚，我驚啲運氣行完咗。」
《男親女愛》
《男親女愛》是2000年的劇集。
向來搞笑的Do姐就直指子華以前的運程衰到貼地，並笑言全靠她才變好，Do姐謂：「啲錢呢......你自己拍嗰啲乜乜保鏢，以前嗰啲衰到不得之了，依家都冇理由要你個人咁衰㗎，所以自從你喺《男親女愛》遇到我之後，一路一路咁好上去。」子華即鬼馬表示：「係呀，我喺屋企直情有香爐畀你㗎！」
至於，在電影《毒舌大狀》中，子華與不少新演員合作，他笑謂像是受到供奉一樣，並大讚他們很努力工作：「我係神嚟㗎嘛，佢哋好敬仰我，每人預定3支香畀我，我嘅感覺咪好似食香咁囉！」Do姐問他是否受落？子華表示：「我覺得最主要係大家有個好嘅工作關係，喺唔越權嘅時候，我有提點佢哋演戲嘅竅門、態度，其實個個都好積極，好熱血。」子華更點名讚ERROR成員阿Dee (何啟華）說：「我覺得佢演得好好，其實佢哋對自己都好有要求。」
子華讚DEE哥演得好。
最後被問到未來的工作計劃，子華大賣關子：「係非常震撼，但係秘密，你信我，大家期待！」轉數極快的Do姐當然不收貨，並繼續追問：「電影？電視？舞台？返番去做棟篤笑？你哋上嚟唔放低少少，你咪旨意走！」子華再透露：「佢嘅震撼性僅次於我復出做棟篤笑！」
黃子華於2018年7月於紅館舉行26場「金盆𠺘口」棟篤笑，這是他最後一次在香港舉行棟篤笑。
《星島頭條》APP經已推出最新版本，請立即更新，瀏覽更精彩內容：http://www.stheadline.com/
