ERROR正副隊長梁業（肥仔）與何啟華（Dee）日前親赴馬來西亞為節目《全民造星V》揀卒。昨日本報直擊二人回港，見現場有近半百「小草」（肥仔粉絲）同「羊群」（Dee粉絲）等候接機，眾人更即席為後天（14日)33歲生日的肥仔大搞驚喜慶祝活動，場面非常熱鬧。
兩人見到咁多Fans接機都好驚喜。
「羊群」好High。
兩子甫出機場時，大批粉絲已經大聲歡呼，阿Dee更幫手遮住肥仔的眼睛，並由「小草」送上蛋糕兼大唱生日歌，非常驚喜。「小草」咁有心，壽星仔當然識做，收下生日禮物後，便與「小草」合照兼簽名，有求必應。
肥仔狂收禮物。
肥仔簽名回禮。
Fans真有心。
至於，阿Dee 有份參演的賀歲電影《毒舌大狀》即將上映，「羊群」當然大力支持，除揚言入場睇200次外，更自度金句宣傳新片，他們在機場齊聲叫出口號：「歡迎一哥何啟華 毒舌大狀唔落畫 票房大賣頂呱呱 」而阿Dee 更笑言要破一億票房，兩子在機場逗留近半小時才離去。
「羊群」話要入場睇200次《毒舌大狀》。
據知，肥仔與阿Dee今次到馬來西亞揀卒，二人大讚參賽者質素高，更有翻版193、Anson Lo同Anson Kong等，令觀眾都非常期待。而百厭的肥仔提到生日願望，希望阿Dee出Solo，笑言因為講咗出來就唔靈驗。
《星島頭條》APP經已推出最新版本，請立即更新，瀏覽更精彩內容：http://www.stheadline.com/
