薛家燕三年冇見「A君」情侶變好朋友，美國巡演曾見夏蕙姨代公告下月返港。
Previous Next

去年初玄學家李居明為薛家燕預測虎年運程時，向本報驚爆家燕姐跟收埋拍拖14年的男友「A君」關係亮起紅燈，搞到家燕姐尷尬打圓場：「疫情關係，大家唔好行埋住！」隨住本港與內地正式通關，家燕姐竟然冇打算北上會男友，她接受《頭條日報》獨家訪問時，坦言已跟「A君」由情侶「降呢」成為好朋友。採訪：方騫平 攝影：羅安強

家燕姐現身工展會時笑得開懷，睇唔出情已變。
家燕姐現身工展會時笑得開懷，睇唔出情已變。
兩年前去日本旅行時，男友視角下的家燕姐幾可愛！
兩年前去日本旅行時，男友視角下的家燕姐幾可愛！
去年1月李居明踼爆家燕姐跟「A君」感情生變。
去年1月李居明踼爆家燕姐跟「A君」感情生變。

72歲的家燕姐好忙，去年12月中往美國三省巡演，返港翌日即現身工展會為代言廚具品牌做宣傳，同場仲有司儀「大王」安德尊。會上家燕姐親自做示範，又跟Fans玩有獎問答遊戲，家燕姐全程展現親切笑容。

忠粉見到家燕姐歡喜若狂，係咁送新年禮物。
忠粉見到家燕姐歡喜若狂，係咁送新年禮物。
由安德尊陪住家燕姐喺台上示範煎荷包蛋。
由安德尊陪住家燕姐喺台上示範煎荷包蛋。
家燕姐好受廣告商歡迎。
家燕姐好受廣告商歡迎。
台上台下企滿fans。
台上台下企滿fans。
沿途有唔少觀眾跟她打招呼。
沿途有唔少觀眾跟她打招呼。
家燕姐再去攤位派禮物。
家燕姐再去攤位派禮物。

講返美國巡演，家燕姐相當好運，由紐約往三藩市翌日，紐約機場即因大風雪封閉：「『二公主』沈芝華兩姊妹及黃夏蕙長途跋涉嚟捧場，夏蕙姨仲送上銀牌。」家燕姐又代夏蕙姨同香港fans講：「今年佢會喺三藩市上頭炷香，囡囡已幫佢訂咗性感兔女賀年衫，下月中才返港。」至於洛杉磯站跟尹光一齊演出，好友陳曼娜、梅蘭、林穎嫻係席上客。

夏蕙姨今年會喺三藩市上頭炷香。
夏蕙姨今年會喺三藩市上頭炷香。
70年代影星梅蘭與家人去捧場。
70年代影星梅蘭與家人去捧場。
家燕姐跟「七公主」二姐沈芝華感情要好，沈芝華和好妹妹結伴前往捧場。
家燕姐跟「七公主」二姐沈芝華感情要好，沈芝華和好妹妹結伴前往捧場。
有忠粉送上銀紙牌。
有忠粉送上銀紙牌。
移居美國多年嘅林穎嫺，喺後台遇上由香港飛去美國睇騷的陳曼娜。
移居美國多年嘅林穎嫺，喺後台遇上由香港飛去美國睇騷的陳曼娜。
洛杉磯站跟尹光一齊演出，咁啱喺美國工幹嘅大女珊珊及王梓軒都有現身。
洛杉磯站跟尹光一齊演出，咁啱喺美國工幹嘅大女珊珊及王梓軒都有現身。
家燕姐唔怕辛苦，反而好享受同世界各地嘅fans見面。
家燕姐唔怕辛苦，反而好享受同世界各地嘅fans見面。

唔捨得想「A君」做主動

疫情3年多，中港兩地受嚴格檢疫限制，導致家燕姐跟上海營商的男友「A君」長期分隔兩地，對於中港關已通，追問家燕姐會否急返內地跟男友重聚？她只發出如蟻咬的唔…呀…聲，答不出話，停咗5秒再尷尬笑說：「哈…睇情況啦，疫情影響好大，大家3年冇見疏離咗，但都係好朋友關係，會互相支持，最近內地疫情緊張都會問候吓，佢都希望我保重…」

年前身在上海嘅男友貼心地速遞口罩，家燕姐還拍片回應男友，隔空傳情。
年前身在上海嘅男友貼心地速遞口罩，家燕姐還拍片回應男友，隔空傳情。

家燕姐坦言跟「A君」由情侶「降呢」變好朋友，咁難得搵到老伴，記者都戥佢可惜。當事人就話唔可惜，表示大家仲係好朋友，又留自己一條後路：「哈！唔知日後發展會點！睇疫情啦，希望冇事，睇吓佢點處理。」家燕姐講講吓又突然少女心，承認想對方做主動，因為今年schedule畀大女石祐珊填爆咗，除咗3月飛大馬登台及返內地做嘢外；呢一年要去星馬做10次牀褥廣告宣傳。至於「A君」會否願意飛返嚟，喺佢身邊做「阿四」箍煲？家燕姐卻婉拒說：「唔得，唔可以嘅！」放低工作陪佢又唔鍾意，家燕姐真係呢。

家燕姐今年會好忙冇時間箍煲。
家燕姐今年會好忙冇時間箍煲。
家燕姐跟江嘉敏、麥美恩、朱智賢TVB歲賀劇《黃金萬両》。
家燕姐跟江嘉敏、麥美恩、朱智賢TVB歲賀劇《黃金萬両》。
孫仔Julian歲幾大超得意，家燕姐好想新抱仔今年追多個。
孫仔Julian歲幾大超得意，家燕姐好想新抱仔今年追多個。


《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ