可以聘請到一個令僱主稱心如意的外傭並不容易。有港媽近日在網上發文，提到日前在執屋時清理出部分已不合身的衣服，並要求外傭擺放到舊衣回收箱，隨後卻發現外傭擅取該些衣服，而丈夫其後的一個行為更令她甚為不滿。
該名港媽日前在香港討論區以「發現工人姐姐偷著我啲衫！ 」為題發文，提到近日在執屋期間，發現不少已不合身或甚少穿上的舊衣服，因此打算捐出該些衣服，「費事放喺衣櫃佔著啲位」。她指，當日將打算捐出的衣服放在一個垃圾膠袋內，並要求外傭擺放到樓下的舊衣回收箱。沒想到在幾日後，她卻發現外傭正穿著一件「好熟口面」的上衣，隨後更發現正是她當日打算捐出的衣服。她隨即感到驚訝，並表示「工人姐姐竟然留咗畀自己著，冇拎到去捐。」
樓主感受及網民回應請點擊組圖瀏覽：
她續指，由於外傭的身型與她甚為相似，「果日佢著住我件衫，老公見到佢背影以為係我，仲差啲走咗去攬工人姐姐，好彩攬之前見到我！」她又直言，「好想叫工人姐姐唔好著我啲舊衫，但又好似好衰咁」。
相關新聞：
Juicy叮｜外傭擅用主人房廁所沖涼 港媽憂變本加厲陷續約兩難：https://bit.ly/3kichmp
Juicy叮｜獲外傭贈價值不菲頸鏈 港媽聞一句話即令感動變質：https://bit.ly/3CMafBj
Juicy叮｜驚見家傭坐爆廁所板 僱主帖文惹共鳴帶出種種辛酸：https://bit.ly/3XsZn3g
相關帖文隨即引起網民討論，有人批評樓主小氣，並指「樓主心地唔好」、「好心你啦，你真係小家到不得了。幾件爛衫穿窿褲走去同啲下人計較，打你工真係淒涼」、「痴線，我和老婆掉或捐衫褲前都叫工人先揀，剩下佢拎去救世軍。樓主咁小家，唔怪之得老公去攬工人」、「你捐啲衫都係想畀其他人著，工人姐姐着又有什麼問題呢？」、「你橫掂都唔要由得佢，不過最好佢同你講聲」、「還掂都唔要，點解唔送晒畀工人」、「唔要嘅舊衫嚟啫，大方啲，豪畀佢啦」、「你覺得舊，姐姐可能覺得好靚呢?可以畀佢就畀佢啦，又唔會浪費」等。
帖文來源：香港討論區
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
