筷子是中國人吃飯時的必備用具，但有不少人卻不太懂得揸筷子的正確方法。有港男在網上發文指，自己從小到大不太懂得揸筷子，因此不時被人指責，並指「每年新年，其中一樣好怕嘅就係同一大班親戚圍住張圓枱食飯嘅時候」，又認為「雖然我揸筷子嘅方法唔係正確，但係最重要夾到餸咪得」。
該名港男日前在香港討論區以「咁大個人都唔識揸筷子」為題發文，詢問「其實有幾多人真係識揸筷子？」他指，自己從小到大亦經常被其他人指責不懂得揸筷子，「每次一班人食飯，夾餸夾慢少少，就會畀人話咩你到依家仲唔識揸筷子呀！」
樓主分享及網民回應：
他續指，「每年新年，其中一樣好怕嘅就係同一大班親戚圍住張圓枱食飯嘅時候，夾咗好耐都夾唔起，佢地見到我揸筷子嘅手勢，就會話我。仲叫我買啲小朋友學揸嘅筷子嚟學揸筷子」，又指隨著農曆新年將至，因此即將需要再次與其他親戚一同用餐，「真係唔想聽到佢哋又咁講我」。他認為，「雖然我揸筷子嘅方法唔係正確，但係最重要夾到餸咪得。夾得慢少少有咩問題。」
相關帖文隨即引起熱議，有人指出「依家啲人多數都唔識」、「咪學過囉，有底子有幾難」、「其實無問題，只係人地夾得快就食晒啲餸」、「筷子+匙齊上，但是，中國人揸筷子唔掂，實在有點兒那個」、「依家唔單止好多人揸筷子揸得肉酸，連揸筆寫字都揸得好肉酸」等。有人則建議「樓主可以考慮買幾粒玻子，放在一盤水裏，慢慢練習，掌握揸筷子手法，和用力的要門」。
有人則認為不懂得揸筷子的問題不大，並指「我幾十歲人都係唔識揸筷子，又冇規定嘅。識食嘢就得，唔使理人哋點講」、「又無規定一定要識揸嘅」等，有人則反駁指「其實靚唔靚、夾餸快唔快都唔係重點，揸筷子係中國人的餐桌禮儀有冇禮貌的表現，另外揸筷子一般都是自小家中代代相傳的家教，揸快子唔好會畀人認為冇家教尤其是老人家」。有人認為只要夾餸時沒有問題即可，並指「連夾餸都夾唔到，真係好唔掂，我揸筷子都揸唔靚，但夾餸就好快」、「我都畀人話過唔識揸筷子，但我夾餸沒問題，同人比較(夾餸)的話，自問中上水平」等。另外，有人則分享指，「揸筷子方法很多，大部分人是三只手指配合著，也有的兩只手指就可以搞定，還是看個人習慣，無所謂對錯」、「揸筷子只需郁兩隻手指(食指同中指）」。
帖文來源：香港討論區
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
