乘客在電召的士時會提出不同要求。有的士司機近日分享指，乘客從灣仔前往柴灣，但要求先前往距離最近的公廁，並表明願意給予10元「貼士」，令司機笑言「係近期見過最癲嘅要求」。
司機分享及網民回應請點擊組圖瀏覽：
該名的士司機日前在facebook群組「的士司機資訊網 Taxi」發文，並笑言「係近期見過最癲嘅要求」。司機又上傳一張應用程式的訂單截圖，從相中可見，有乘客要求從灣仔駱克道前往杏花新城，並表明是「千足金」訂單（按錶收費）。乘客在備註中特別提出一個要求，指「我想（去）廁所，車咗去最近公廁先」，並表明願意給予10元「貼士」。該名司機隨後補充指，「佢自己都已經搵埋個公廁位置畀我，都好有禮貌嘅」，笑言「可能佢真係好急」，又指「但覺得幾搞笑」。
相關新聞：
女乘客未找錢即匆忙落車 的哥尋事主冀找續$532｜Juicy叮：https://bit.ly/3XuqMSk
Juicy叮｜外籍遊客搭的士遺背囊險失重要公仔 好心司機物歸原主獲好報：https://bit.ly/3WcvQd4
Juicy叮｜的哥自揭聖誕送海鮮外賣賺$350 網民質疑犯法：https://bit.ly/3izKEEY
相關帖文隨即引起網民討論，有人指「千足加十蚊，無問題吖」、「唔過份呀個要求」等，有人則笑言「畀個膠袋膠樽佢」、「都好過行行下車係車上瀨咗出嚟」、「名正言順借尿遁」等。有人則大感好奇，並指「去咗廁所先再CaLL唔得咩」、「咁點解唔去了廁所先上車呢」、「點解佢唔自己去咗廁所先，灣仔周圍都有廁所 」等，另有人則回覆指，「即係附近無囉」。另外，有人則分享指，「我試過在屯門公路、停埋一邊畀個客痾尿。佢話就嚟要瀨」。
帖文來源：「的士司機資訊網 Taxi」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
