相信不少人會認為有錢人必定是衣著光鮮，不過有打工仔指出，自己的新工作是在錶鋪任職，因此會接觸到不少有錢人，並直言因此打破想像，又指感嘆「貧窮限制想像」。
該名打工仔日前在香港討論區以「自從返工接觸多咗有錢人真係打破我想像」為題發文，提到自己的新工作是在錶鋪任職，與以往在辦公室工作相比，每日會接觸到不少有錢人，但指他們的衣著普通，「完全唔係平時出街見到港女成身名牌嗰款，根本你係睇唔出呢班人過億身家」。樓主又提到，「普通人落嚟放錶就想有幾高價就放幾多，一百幾十都同你計」，而較富有的顧客則不太計較金額，「就算蝕10萬8萬都話是但冇所謂，純粹真係搵個地方賣咗佢」。樓主直言，「初初入嚟做真係呆咗，貧窮限制想像」。
樓主分享及網民回應請點擊組圖瀏覽：
相關帖文隨即引起熱議，有人認為「香港地其實真係好多有錢人，執垃圾果班阿婆都分分鐘幾層樓揸手」、「有錢人嘅定義好廣闊，1000萬叫有錢? 1億叫有錢? 10億？100億？1000億?」、「人生窮得剩下錢」等。有人則分享指，「我有親戚都係有錢，住獨立屋。我以為個個有錢佬都好識食，或者一定要餐餐靚嘢，偏偏佢食親都勁平民，幾十蚊夠飽就得」、「我識嗰啲，日常飲食都好普通，會食快餐店茶仔大排檔，揸架普通的私家車，有個仲係揸架貨Van當私家車用，佢哋主要係享受，並不會炫富，真正使錢嘅地方只會使在家人身上」、「我識幾億嗰個，請食嘢係去茶記，成日食辛辣麵。買幾十萬隻錶唔會戴，只戴A貨。唔會用提款咭，但會用長者咭搭2蚊車」、「識個有錢人幾十億身家，佢話最好食嘅，依然係出前一丁＋可樂」等。
相關新聞：
經理不滿僅獲加薪$XX批侮辱 一舉動嚇窒全場同事｜Juicy叮：https://bit.ly/3knvQJM
質疑同事為避派利是新年放長假 打工仔反被批似乞兒｜Juicy叮：https://bit.ly/3GI1oSp
Juicy叮｜返工期間炒車需送院 上司一句話令打工仔嬲爆：https://bit.ly/3Hbp1UX
有人則認為不應單靠衣著判斷其他人的經濟狀況，並指「衣著判別是否有錢人就太天真。有少少錢嘅人好驚人唔知佢有錢，行頭好行。真正有錢嘅人好驚人知佢有錢，會好低調」、「窮人著衫都好普通，富人著衫都好普通，中間人先至著得靚」、「價值觀問題啫，有錢唔一定要著名牌，因為唔靚嘅人著咩都唔靚，留返啲錢去興趣嘅嘢度好過」等。
有人則指，「最緊要心中富有」、「真正的有錢人，真正心中富足的的人不會向別人顯示自己幾有錢，幾富貴，人家已經得到身邊朋友，長輩，晚輩的認同，不須要跟一些不認識的人炫耀自己幾富貴，更不須要於網路上顯示自己擁有什麼奢侈品」等。另外，有人則指出「有錢人分白手興家同富後代，兩者性格大不同」、「至於亂洗錢，多數都係二代 」、「自己捱返來嘅財富，多數比較慳家。easy come 嘅財富(包括承繼得來)，會比較洗錢寬鬆」等。
帖文來源：香港討論區
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
