烏尼入主維拉後，球隊在進攻方面找到方向。Reuters

英超今晚利物浦對車路士，就似係睇下邊隊更衰，無乜興趣，反而十一點有場修咸頓對阿士東維拉，雖然「修頓」來一波三連勝初見曙光，但過程中見唔到在運作上有明顯改善，似係對手太衰多啲，反而由「歐霸之鬼」烏尼執教後的維拉，表現有穩中進步的迹象。

自十月尾烏尼上任以來，能在聯賽擊敗曼聯、白禮頓、熱刺以及列斯聯，對手一律都唔易食，而本身隊波在進攻上找到方向，每場的攻門和期望入球值都明顯上升。今場作客對住「修頓」，保不敗唔係問題，平手盤會係出手好時機，進取的可選讓球主客和的「和」，博贏一粒。

另一隊換領隊後，成績一路上揚的必定係紐卡素，艾迪賀維能以極少增援下，成績由降班組，上到去爭前四組別。

從賽事中可見，喜鵲結構和防守上絕對穩定，每場都能在控制大局下等機會贏，聯賽重開後未失過波，即使對住瘋狂的列斯聯，又或榜首阿仙奴都能力拒來犯；對手水晶宮即使在周中補賽能逼和曼聯，截斷對手連勝，但只係完場前的世界波罰球的一下靈光一閃，前仗對住車路士，防守錯漏百出，而在整場比賽，教練韋拉可以話一點辦法去改善都無。紐卡素少讓下，可以穩贏。兩場的讓球二串一，抵博。馬高

立即下載 | 全新《星島頭條》APP : https://bit.ly/3yLrgYZ