網上今日(21日)有的士車cam片瘋傳，有渣男懷疑飲醉酒昨晚（20日）在的士上怒打女友，據上傳影片的士司機透露，渣男無錢，體貼女友出錢截的士送男友歸家，結果在行駛至屯門公路上反遭暴力對待，女友遭連環拍打多次後，高喊：「你郁手唔覺羞恥咩？」
影片全長約5分鐘24秒，以一個老虎頭像遮蔽女事主樣貌，在今日早上在社交平台瘋傳，從車cam影片中看到，事發時間在昨日(20日)晚上接近午夜12時。
體貼女友出錢截的載渣男回家 反遭暴力對待
發帖者在帖文中表示：「個女朋友見你無錢，搭架的士喺屯門車你出九龍城，你飲大兩杯屎水，竟然喺屯公打佢，有個咁既女朋友都唔識珍惜，真係不知所謂。」
【渣男的士上怒打體貼女友｜足本字幕版逐格睇↓↓↓↓】
男友：電話又唔覆，又唔「剩」。
男友：全部block晒我嘅。
男友：我咁坐（做出低頭俯伏的坐姿），幾X凍呀，咁坐係到。
（女友提的士有車cam）
男友：咪錄囉，有乜所謂啫。
男友：司機你po佢上網呀，po佢上網呀。
(中間被剪走)
男友：坐咗幾耐，你完全又無。
男友：我真係咁樣（再做出低頭俯伏的坐姿）。
我錢又無，XXXX(粗口)我又撳唔到機。
男友：又話payme payme，pay咩呀。
男友：我坐咗幾X耐呀。
男友：你話payme，乜乜柒柒都ok啦。
男友：如果個個司機xxxxx(收音不清)，我咪大鍋，我咩大X鍋囉。
男友：跟住然後，你揾個小姐啦，揾個小姐，我打唔到畀你，佢唔X聽，打打打。
影片開頭看到一名男子不斷向女友抱怨久等之苦，「我咁坐（做出低頭俯伏的坐姿），幾X凍呀，咁坐係到等呀。」未幾男子越說越大火氣，竟出手拍打女子，拍打期間不時怒喊：「你有無諗過我。」女子被打中有五、六次之多。
男友：（怒喊）咁我點呀？
男友：（不斷拍打女友，怒喊）你有無諗過我
男友：（不斷拍打女友，怒喊）XXXX(粗口)
男友：（不斷拍打女友，怒喊）你有無諗X過我呀
男友：（不斷拍打女友，怒喊）你有無X過我
男友：我坐係到幾耐呀
男友：成個鐘啦
男友：你玩(顧)住玩
男友：幾X凍呀
男友：成個鐘呀
男友：我等電話打唔到畀你
男友：（拿出電話，讀出一堆時間）我都係企係嗰個位
男友：你係到等，你係到等呀。
（男友似想再郁手打女友）
女友：你再打我，我去差館，信唔信呀你。
女友：司機轉頭去九龍城差館呀，唔該。
的士司機：好呀，好呀。
男友：我坐係地下，我無錢......
女友：（大聲高喊）無人叫你坐㗎
（男友語塞了數秒，望實女友）女友：（繼續大聲）你痴線到，倒轉演
女友其後在影片中高喊：「你再打我，我去差館，信唔信呀你。」更即時叫的士司機轉去九龍城警署。
女友：真係我嚟接你，你係咪應該求恩呀！
男友：喂......
女友：我邊到叫你過嚟啫
女友：我無叫你過嚟㗎
女友：我叫你唔好過嚟，（你話）我過嚟我過嚟
女友：我叫你唔好過嚟㗎
女友：呀先生，你自己睇返信息啦
女友：我叫咗你唔好過嚟㗎
男友：XXXXXXX(聲音收不清)
女友：自己搞到自己咁樣，仲要懶我
女友：飲醉酒係到發酒癲
男友：你又出去......
女友：我出去又關你咩事啫
男友：你無講......
女友：我有講呀，我有講呀，我有講呀，你痴X線㗎，你真係，唔係一個正常人嚟㗎，去睇醫生啦你。
女友：我一早同你講去Cherry到啦。
該女友再指責男友「飲醉酒係到發酒癲」，「如果我唔係知道你屋企無錢，我唔嚟接你，你啲咁無賴既人，真係。」「郁手打人......你唔覺得羞恥咩？」男女雙方展開激烈爭論。
女友：因為你飲醉酒咪唔記得囉。
女友：你係飲醉酒呀，我唔好話畀我聽，你一滴酒都無飲呀。
男友：（細聲）唔好講呢樣。
女友：我唔同你講呢樣，仲可以講邊樣啫。
女友：唔飲酒嗰時，你好正常呀。
女友：依家飲咗酒，成條X呀嘛。
男友：（太細聲收音不清）你今日唔使......
女友：你聽日先同我再講啦，你醒咗先啦。
男友：你收皮
女友：我收皮，我實呀......
女友：如果我唔係知道你屋企無錢，我唔嚟接你，你啲咁無賴既人，真係。
女友：郁手打人......你唔覺得羞恥咩？
（男友這時不斷低聲指罵女友）
女友：我無叫你等㗎，我從頭到尾都無叫你等，
女友：我去唔去都唔關你事，
女友：我無叫你入屯門囉，
女友：係你自己一廂情願入嚟囉
女友：入嚟之後無錢就將個責任推係我身上
女友：乜嘢呀？
女友：點解你會入咗屯門呀？你點解會入咗屯門呀，我問你，你答我啦。
女友：我去邊到關你咩事啫
女友：我想去邊都得㗎，你唔好掂我呀。
女友：我話畀你聽，唔關你事。
女友：你講乜啫？
女友：我話咗今日，係你失憶咋。
男友未有作聲，影片於此結束
網民紛紛批評渣男打女人的行為：「係凍啲，都唔使打人呀。」「咁好既女朋友唔識珍惜。」「打女人點講都唔啱。」「你無錢，又飲醉酒，女友都唔介意送你返屋企，仲打佢，太過分。」「人渣！」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
