農曆新年，中國人傳統習俗愛買年花布置家居。時裝設計師何國鉦（Dorian），每年亦習慣到花墟選購各種合時年花，回家後再親自設計成一盆盆雅緻獨特的盆栽。
「我每年都會整好多盆蘭花送給親友，因為我覺得親手整，心意上多添一份心思，親友收到亦感覺窩心。但有時唔覺意整多咗，就搞到成屋都係花，不過一年一次，看見都開心。」
年花正月綻放，寓意新一年花開富貴，人緣暢旺，好運自然來。
何國鉦習慣每年於農曆新年前一周，便開始布置家居。
桃花旺人緣
何國鉦習慣每年於農曆新年前一周，便開始布置家居，早前他就預先到花墟選購合時年花。
「我做生意接觸很多人，所以屋企每年一定會擺桃花，以旺人緣。蘭花亦是必備，我會買定很多不同品種的蘭花，還有我喜愛的水仙花，買齊便回家自己設計和擺盆。」
近年他更愛以自己設計的蘭花送贈親友，「每年都整十盆以上，有時去拜年，與其送糖果禮盒，不如親手整盆花來得更有意思。蘭花開到兩三個月，收到的朋友會好開心，有些朋友在花期過後自行栽種，第二年成功再開花。亦有屋企人同朋友話，橫掂我整開，不如整埋俾佢哋。試過整得太多，搞到我屋企不同角落，連食飯枱都擺滿花，朋友來拜年就變成打卡位。」
何國鉦日前到住所鄰近的花墟買蘭花和水仙，「這裏價錢平，又多選擇，得閒就來逛逛，睇啱就買定備用。」
何國鉦日前到住所鄰近的花墟買蘭花和水仙，「這裏價錢平，又多選擇，得閒就來逛逛，睇啱就買定備用。」
桃花是他每年必買的年花，「我會提早到花場或花墟買桃花，揀棵最多花冧但又未開晒的，擺到正月，桃花會陸續盛開，全個月望實棵花都賞心悅目。」
