陳卓賢（Ian）早前推出今年首支派台歌《再見 寧靜海》，他包辦作曲、監製及主唱，更首度與黃偉文（Wyman）合作。近年，不少廣東歌都會配上一個英文名，方便輸入不同的音樂平台，不過唱片公司 就將Ian 的新歌簡單地配上英文拼音《Zai Jian Ning Jing Hai》，Wyman 似乎睇唔過眼，貼長文表示其實自己填詞會包埋免費改英文名服務，並立即為《再見 寧靜海》歌曲提供了一個英文名《Vale , Mare Tranquillitatis》(即係「Farewell, Sea of Tranquility」的拉丁原名，相當有意思。
Wyman 貼文表示好多唱片公司都唔知道搵黃偉文填詞，係包埋改英文名，他指：「雖然呢啲英文名市民大眾其實可能都未必留意到接觸到，但我哋呢啲對作品每個細節都有要求嘅人，就會覺得如果個歌名純粹變成一堆拼音，始終好似唔夠藝術又或者唔夠用心咁，所以如果唱片公司打嚟叫我改埋個英文名，我係一定冇托手踭嘅。」他更坦言作為一個鍾意文字的人，甚至覺得幾好玩。
Wyman 又貼出了一張音樂平台以英文歌名顯示上榜歌的照片，原來相中頭三個MC（張天賦)及Dear Jane 的英文歌名都是由Wyman親自改的，他更逐一解讀歌名，並立即為Ian 歌曲賜上英文歌名，他表示：「如果俾我改，《寧靜海》我會叫做 「 Vale , Mare Tranquillitatis 」(即係「Farewell, Sea of Tranquility」嘅拉丁原名」。
最後，Wyman 表示這次貼文是溫柔及善意的提醒，並笑言：「希望唔好傳傳吓或者被其他媒體報道咗出嚟變成『Wyman暗寸唱片公司求乸其』」網民都紛紛留言表示：「有你改個英文名，即刻昇華番首歌嘅層次」、「有你賜名即刻高級左」、「之前都提過公司，毫無改善，公司要X先做嘢㗎！」
【其他文章】：
鍾鎮濤70大壽驚喜Party卡士勁過金像獎 兩代歌神張學友譚詠麟同唱生日歌
巨乳網紅疑半裸拯救壽司郎！5秒影片引2200萬點擊 「胸」湧上圍震撼日本人
新四十二章｜甘草演員個個身懷絕技搶鏡過主角 莫偉文揸車勁過藤原拓海
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
