新冠疫情改變不少生活習慣，3年無出門，開關後去旅行，派手信習慣也改變，有人竟由送贈變成按件收費。
有網友近日在討論區以「同事去旅行返嚟派手信」為題發帖，指有同事去旅行後派手信，「買咗幾盒餅叫我哋自己揀啦，揀完同佢閒聊幾句問佢好唔好玩呀，去日本有冇睇到雪之類。揀完塊餅之後佢望住我拎住條香蕉蛋糕，佢話香蕉蛋糕就5蚊，其他餅就幾多幾多錢」。
同事派手信竟收錢網民回應：
樓主表示「聽完真係打咗個突，買手信返嚟唔係請人食㗎咩，咁樣叫同事揀完仲要收返錢？認為「唔係老奉去完旅行要買手信請人食，唔買唔請都冇問題，但係真係未聽過會有人買完手信返嚟問同事收返錢囉……」。
樓主及後補充「開頭佢係話：我買咗手信返嚟呀，你哋揀，咁我覺得佢係請都好正常」。聽到如此奇聞，回應的網民不禁問句「真定假吖！」，並形容「咁癲，幾蚊都收得出手」。
網民：一條香蕉蛋糕睇清楚係乜人
有人分析指，「佢係買返嚟零售」、「佢無講過係派手信，係你哋自己揀完畀錢，好似士多咁」。有網民提出應對方法「畀返佢就可以了」，並指「講真，呢條香蕉蛋糕香港都有得買啦，邊估到呢啲心意都要收錢」。不過有人提出相反意見，指「5蚊照畀佢，一條香蕉糕睇清楚呢個係乜嘢人，值得呀」。
帖文來源：香港討論區
同場加映：
曾偷食50女被譏「下體大滿足」 《五體不滿足》作者與新歡逛超市
當年曾經被《五體不滿足》一書激勵過、感動過的讀者，可曾料到在許多年之後，被四肢不健全的作者偷食史嚇窒，不禁暗付人如其書名。
天生無四肢，在日本私立第一學府早稻田大學畢業的日本作者乙武洋匡，1998年出版自傳《五體不滿足》走紅，書中以輕鬆筆調講述出生以來怎樣在電動輪椅上求學，如何堅毅生活，如何對生命不輕言放棄，內容振奮人心。
這位形像優質，充滿陽光氣息的輪椅青年，之後的生活也滿是正能量，2001年與大學學妹結婚後育有兩男一女。然而，2016年在乙武洋匡準備參選日本參議員時，卻爆出婚外情，五口之家好好先生人設旋即崩壞，偷吃混血嫩妹不止，還傳出結婚15年間，與5名女子搞婚外情，更有逾50個性伴侶，因而被憤怒的書迷不留情面地譏諷「下體大滿足」。
乙武洋匡緋聞不斷：
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
