還有10日便是情人節，又是愛侶間聊表寸心的重要日子。有人夫網民喜孜孜地表示要給老婆大人一個驚喜，在facebook討論區以「結咗婚之後都要繼續慶祝情人節！」為題發帖宣告慶祝大計，並問網友「結咗婚有咗小朋友之後，仲會唔會同另一半慶祝情人節呢？」。
樓主指，「最近問身邊一啲已婚嘅朋友諗住點慶祝情人節。佢地好多都會同我講話都結咗婚老夫老妻啦，仲慶祝咩嘢情人節。唔知係因為佢哋已經有小朋友，定係兩公婆一齊太耐，所以唔興慶祝」。
樓主接著稱「但我覺得就算結咗婚，老婆都係我嘅情人，情人節點可以唔慶祝呀！雖然一齊過咗好多個情人節，送禮物都送到唔知送咩畀佢好啦。但係情人節都係要慶嘅，我已經買好禮物訂好餐廳。就等果日畀老婆一個驚喜！」。接著問網民「唔知大家結咗婚有咗小朋友之後，仲會唔會同另一半慶祝情人節呢？」。
人夫宣告情人節慶祝大計及網民回應：
樓主的人夫熱情獲網友大讚，且獲和應，指會慶祝，強調「嗰種老夫老妻嘅思維好唔要得，搞到自己同條鹹魚冇分別」。另有網民則一切從簡，「出街食飯算」，有人實際地指準備「提早慶祝，出去吃飯，無謂要畀多D錢」。有人從商業角度去看，認為「情人節乜都唔做......D商家佬都唔肯過你！為咗廣大商人嘅荷包著想，記得配合消費！」。
有持相反意見的則指，「唔會特別慶祝，食飯幾時都得，無謂2月14果日又貴又多人」。有網友甚至提醒「你呢個行為會變成自己年年都要比上一年更花心思去驚喜佢......仲要指定係2月14日，搬石頭砸自己腳趾」。
帖文來源：香港討論區
同場加映：
吸煙男垃圾桶當尿兜 網民嬲嬲：行多幾步路都忍唔到
一名男子被拍攝到除口罩吸煙的同時，當街對著垃圾桶小便，把垃圾桶當尿兜。一心二用的舉動被網民直擊，以「好心嘅叔叔，見到垃圾桶燒著咗用水淋熄佢」為題上載相片至facebook討論區。
回應的網民大派嬲嬲，並認得現場是荔枝角一帶，嘲「救人如救火」，並改圖將情景誇張化。有街坊看不過眼，附上Google地圖指「後面長沙灣廣場就有廁所，行多幾步路都忍唔到」、「明明隔籬商場一上自動電梯就係廁所」。
男子一心二用實況及網民回應：
同場加映：
白石角公廁玻璃天幕靚到似日本 廁格自動門全程免觸式
位於單車徑旁，大埔科學園附近的白石角公廁1月落成啟用，公廁以單車作主題，設玻璃天幕，又有綠化牆，連廁格的門也採免觸式設計，網民發表用後感大讚六星級設備，並以最貼地的方式形容「簡直好似去咗單車博物館度屙尿咁呀！」。
白石角智能公廁實況：
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
