龔嘉欣元宵節着心心開窿短裙風騷現身連續講5次緋聞係誤會直到婚前才認愛

陳豪、龔嘉欣（Katy）、江嘉敏及譚凱琪等今日到深水埗出席新劇《新四十二章》宣傳活動。近日與日藉甜品師松岡哲也傳出緋聞的Katy身穿露肩兼開窿短裙現身，非常搶鏡，而且她不停開心在笑。眾人被安排分組玩「鬥快估歌仔」，不過江嘉敏一組由頭輸到尾，而她寫歌詞時更被取笑是在扶乩，之後江嘉敏又與Katy玩拗手瓜，Katy因怕爆裙，一直用手護著裙側，雖然江嘉敏出盡力兼犯規用手撐枱，但最後亦輸給Katy。

日藉甜品師松岡哲也傳出緋聞的Katy身穿露肩兼開窿短裙現身。

龔嘉欣着心心開窿短裙似隔空向對象示愛。

儘管唔認愛但笑得開懷。

好開心啫。

Katy受訪時被問到元宵著有心形的服裝出現，是否有事宣布，她聽後表示因難得有劇出，所以著靚點，不過就沒有喜事要宣布，又指報道出街後電話已被炸爆，覺得好驚，希望大家能給予她一些空間，而今晚亦沒有約人，問她現在是否正學日文，她說：「唔係，學好啲英文先，日文未有計劃學。（你哋英文溝通？）總之日文未有計劃學日文。呢幾日真係嚇死我，（怕戀情見光死？）始終對方係圈外人，唔想畀咁大壓力人哋，始終個報道都有影響佢，而報道無論邊part都好，都唔係事實，我都唔好意思連累咗佢。」

Katy跟江嘉敏玩拗手瓜。

龔嘉欣贏咗江嘉敏。

Katy又指與對方工作時會見面，故大家見到他們在一起亦不需要太出奇，她又解釋當日是受陳凱琳（Grace）邀請，而Grace在貼出影片前也有問過她，當時也有想到會不會引來誤會？不過因覺得影片是記錄大家新年去探Grace的幼子，所以是開心事，故最後她亦答應，故就搞出這次的誤會，問到是否堅持這次緋聞是誤會，她連續說了5次「係！」Katy又謂知道大家很着緊她，故她會將大家的祝福全部收起：「好希望我到結婚嘅時候大家再祝福我，（幾時？）未！我唔敢再亂講，未！大家好似細細個睇住我大，我都希望我有一日可以大大方方去公布結婚嘅好消息。」而她又坦言在結婚前也不會承認所有戀情：「我自己真係好想到結婚嗰日先至話畀大家聽，我都要顧及另一半感受，都要去諗佢想唔想公開，呢個都好重要，不過我未知要結婚嘅係邊個。」Katy亦澄清沒有同居，也不是事實，亦笑指現在的情人是Grace大仔Rafael。