張國榮（哥哥）離世近20年，每逢大時大節或忌辰，哥哥的摯愛唐鶴德（唐唐）總會在社交平台貼上舊照，表達對他的思念及情不變。今日係唐唐的64歲生日，一如既往分享與哥哥昔日的溫馨合照，舊照中與哥哥一起切蛋糕，兩人四萬咁口笑容一致，睇相都感受到兩人嘅愛，但唐唐卻有感而發言留言說：「人生不如意事，十常八九，我管不了其他人怎樣做，我能做的就只是分享一些舊照給大家，共同思念一下哥哥的昔日，祝自己生日快樂吧，也祝大家生活愉快。」字裡行間似乎因為受到了黑粉攻擊受咗委屈，但愛哥哥嘅心卻堅定不移。
64歲生日嘅唐唐，今日分享與哥哥昔日的溫馨合照。
唐鶴德嘅留言似乎受咗委屈。
唐鶴德每逢大時大節或忌辰，都分享跟哥哥嘅舊照傳達愛。
98年時哥哥生日相。
唐鶴德對哥哥無限思念。
唐生操刀下的壽星哥，笑容燦爛。
喺唐鶴德IG貼上哥哥舊照，令人有無限追憶。
哥哥開心玩燈籠及吃月餅。
哥哥視覺下嘅壽星公唐鶴德。
兩人相愛多年。
雖然張相影到變咗型，但睇返都係咁Sweet。
以往唐唐有哥哥喺身邊，切個蛋糕慶生都滿足。
唐唐為咗已故嘅哥哥要好好生活下去。
就算4月留下有幾多淚痕，唐唐勉勵大家都跟他一樣，能共渡這個難關。
4月1日舉行紀念音樂會
另外，張國榮今年4月1日離世20周年，除3月份有Anson Lo等多位年輕一代歌星推出致敬大碟外，哥哥生前經理人陳淑芬亦有將籌備多個活動，包括哥哥珍藏品展覽、限定精品，壓軸在4月1日紅館舉行《繼續寵愛・二十年・音樂會》，邀請哥哥生前的摯親好友、歌影迷參與向一代巨星致敬，而演出單位日後將會公布。票價分$880和$480，而音樂會在扣除所有開支後，將捐予慈善機構《好聲》，支持《哥迷芬享友營飯》項目，幫助香港基層家庭渡過難關，優先訂票已在1月30日展開。
張國榮今年4月1日離世20周年，壓軸在4月1日紅館舉行《繼續寵愛・二十年・音樂會》。
《繼續寵愛・二十年・音樂會》票價分$880和$480。
盧瀚霆重新演繹哥哥舊歌《偷情》。
唱得好有Mood。
《星島頭條》APP經已推出最新版本，請立即更新，瀏覽更精彩內容：http://www.stheadline.com/
