置業乃人生大事，買樓「加唔加名」卻往往成為夫婦拗撬甚至婚變導火線。有網民正為此事頭痛，在討論區呻「同女朋友就結婚，佢要求層樓要加佢個名」。
樓主先講背景「話說層樓係家人出錢買嚟畀我嘅，女朋友就無份出過錢嘅。準備結婚，佢話佢媽想層樓加埋佢名，因為呢個家將來都有佢份，加名好正常」。但樓主擔心「而家婚都未結就嘈住加名，我點知佢會唔會結無耐就離婚分家產」。
置業乃人生大事及網民回應：
樓主續指「如果本身佢都有份供，加係好正常，問題而家係無嘛，我就堅持唔加名，如果傾唔啱數最多唔結婚啫」，並指女朋友「嘈嘈閉話我唔愛佢，唔公平，話唔為將來諗」。樓主沒好氣地指「咁公平唔見佢開聯名戶口擺晒d錢出嚟，龍門陣任佢擺到極點」。
樓主在回應提問時引述女朋友指，「而家組織一個家庭，唔係淨係計付出金錢，佢精神力量上都會付出為呢個屋企，同加名係因為萬一之後會離婚佢就無居所喎」。
對於樓主呻至樹葉落清，有網友從金錢角度去看，指「有份夾錢就有佢份，冇份夾錢講咩個家佢有份」。有醒目網友則建議「同佢講唔加，留番個首置名額，第時出錢買一層寫佢名」、「同佢講應該留個自置名義，他日買第二間」、「緊係留番個首置名額喇，十年後買多層慳成百萬」。
置業相關新聞：
•Juicy叮｜孝順女付首期冀買樓予父母養老 惟因後續發展呻蠢
•Juicy叮｜買樓自住慘變負資產 港男呻：「日日咁辛苦返工變做義工」
•Juicy叮｜儲夠100萬擬移居買樓 打工仔籲年輕人18歲開始儲錢
另有人獻計，「你將層樓轉做你娘親嘅名，咁將來你離婚，呢個女人都唔會分到層樓」、或「叫佢比返一半咪ok囉，d錢又唔係你嘅，有乜就躂屋企人朵」、「話屋企人唔准，一定要加就分」。
不過亦有網民支持加名，指「加囉，都結婚啦，咁都唔加即係唔信對方，咁不如唔好結」、「加啦，結得婚預一世架啦」。
帖文來源：連登討論區
同場加映：
大家樂MMA｜火爆阿伯拳頭爭位 大廚霸氣攔實：夠啦夠啦
網絡流傳影片，有年長食客在上水新豐路連鎖快餐店「大家樂」，懷疑因爭位大打出手，阿伯非常好火揮拳痛擊另一年長食客，雙方爭執不休，店內大廚及職員均出手攔阻，大廚更霸氣大喊：「夠啦！夠啦！」
影片全長約21秒，上載影片的網民指事件發生在2月2日，該網民指兩名年長食客因爭位大打出手，但從畫面看到現場有不少空位。該網民解釋，本來坐滿客，但由於兩人爭執，部分食客「一個個走晒先有咁多位剩」。
直擊大家樂爭位MMA↓↓↓↓
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
