星8卦｜「小天后」又懶又煩要買麻雀枱喺後台開大餐 被封樂壇「癱己」犯眾憎
格衰嘅人真係無得救，「小天后」已經唔多唱得，仲學人成日擺款，難怪近年愈撈愈霉，因為平時品行差，自作孽。
最近疫情防控開始放寬，好多歌星藝人都多咗去澳門同北上搵食，小天后喺香港唔受歡迎啫，行過隔離啲人仲覺得佢有名氣，就算走晒音都唔覺大問題。不過佢成日俾近身同工作人員背後用粗口侍候，因為佢真係煩到爆，對做嘢嘅人駛到盡，去澳門咩？小天后話唔坐直昇機就唔去，但依家啱啱開關，只得船同車可以過大海，佢嫌三嫌四話麻煩，話自己身嬌肉貴唔想浪費咁多時間喎，最後當然要向現實低頭坐七人車過關。
出入多要求不特止，原來啲工作人員幫小天后起咗個花名叫「癱己」。呢位大姐連開騷都要叫到成枱食物，餐餐都九大簋，問題係佢癱㗎嘛，永遠要留係自己間房度食，由紅館到細後台都唔例外，每次要大家搬定張枱俾佢食食食，終於有次個門口太細，無一張枱入到房，小天后即刻黑面話唔唱，要主辦單位買張麻雀枱搬入去俾佢開餐。因為唔肯郁，所以小天后一日肥過一日，就算狂做運動都減唔到，大家都好心涼話呢啲係上天對癱嘅人最大懲罰。
【相關文章】：
星8卦｜模範夫妻爆離婚！小雲出軌發姣派帽 吉仔用成副身家箍煲
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
