自稱肖雞，今年只有89歲的黃夏蕙(夏蕙BB)去年8月跟老公潘炳烈移居美國，期間做巡演搵精神寄託，赴美半年嘅BB今晚返港，契仔楊峰及契女徐寶鳳前往機場接機，同行的還有兩位坐住輪椅嘅罕見疾病小朋友。夏蕙BB雖然坐完長途機，但精神奕奕，仲特地化返個濃妝，戴返串粗粒珍珠頸鏈襯晒個靚靚假髮，衣著執到正。黃夏蕙出閘後未見疲態，她反而興奮得係咁同人揮手，開心到連口罩都跌咗一半落嚟。網民紛紛留言話好掛住及愛她，歡迎她回港，指她在港才會生色不少！更叮囑她先要好好休息。
BB今晚已回港喇。
黃夏蕙一出閘就興奮得手舞足蹈。
擁抱一下先。
契仔楊峰及契女徐寶鳳前往機場接機，同行的還有兩位坐住輪椅嘅罕見疾病小朋友。
去年8月黃夏蕙偕丈夫潘炳烈離港到美國生活，
網民留言好掛住及好愛BB。
甚至有指要有BB，香港才能生色不少。
經理人Simon Lee已經安排夏蕙BB於2月中，以特別嘉賓身份出席「飛越平淡」活動，與主持人Philip Chan一齊探訪罕見疾病兒童，送上關愛。另她日前在社交平台預告會返港3個月，更形容等待係一種折磨，同時係一個期待。因為未趕及在港過農曆新年，今年只好改往美國三藩市赤松黃大仙廟上香，為港人祈福。
離港前BB添置咗幾個假髮。
喺美國期間BB好期待回港見朋友。
去美國同家人共享天倫之樂。
BB去到邊都不忘拜神祈福。
阿女陪她到美國三藩市赤松黃大仙廟上香，為港人祈福。
喺美國時周圍吃喝玩樂。
喬寶寶之前由英國飛往美國西雅圖登台，更邀得移居美國的黃夏蕙撐場。
家燕姐早已披露黃夏蕙於今月中回港。
黃夏蕙習慣喺香港生活。
喺美國期間都唱吓粵劇。
《星島頭條》APP經已推出最新版本，請立即更新，瀏覽更精彩內容：http://www.stheadline.com/
