民主派47人涉嫌參與「35+」初選，爭取立法會過半否決財案被控，16人否認串謀顛覆國家政權罪受審。控方今午於西九龍裁判法院播放九龍西選舉論壇片段，被告劉偉聰曾發言指「有35+就有好多嘢可以做，包括修改惡法」。黃碧雲則揚言「我係會用盡憲制裏面所有嘅權力同埋手段係爭取五大訴求，如果否決財政預算案能夠促成呢一樣嘢，我哋一定會做」。審訊明續。

選舉論壇中，張崑陽回應「攬炒」批評時指「攬炒已經進行，但係攬炒嘅促成絕對唔係我哋香港人民嘅錯誤，絕對就係中國共產黨」，令香港失去獨立關稅區待遇，同時反問「點解我哋心態上唔可以擁抱攬炒呢？當敵人已經將我哋逼到末路，難道我哋唔能夠反抗咩？攬炒係求生嘅最後一個本錢」。

岑子杰解釋「攬炒」有2個意思，包括「就 係中共打到來，我寧願同中共玉石俱焚」，以及「我主動去撩中共打交，要攬炒佢，我唔贏唔緊要，最緊要中共輸」岑子杰又解答不簽署「墨落無悔」聲明緣由，指「嗰種夾泛民嘅感覺太重，佢好似會創造一種撕裂我唔鍾意」，惟反問「社民連有邊一次財政預算案係投過贊成票㗎啫？」

被馮達浚連番質問可會在議會內衝擊時，黃碧雲回應指「一齊衝！希望一齊贏！」引來哄堂大笑，黃碧雲庭上尷尬苦笑。論壇上黃碧雲面對質疑時反指「如果戴耀廷教授認為我哋九龍西需要再簽呢個協議呢，我哋好樂意」。被質問「係咪一定要攬炒」時，黃碧雲答道「我係會用盡憲制裏面所有嘅權力同埋手段係爭取五大訴求，如果否決財政預算案能夠促成呢一樣嘢，我哋一定會做」。

劉偉聰發言曾提到「有35+就有好多嘢可以做，包括修改惡法」，認為「有一啲人可能要留守喺後方，例如議會呢條戰線，我哋希望做到嘅就係裏應外合」。至於馮達浚明言「有一個共同嘅敵人就係共產黨政權，打倒呢一個極權政府，打倒共產黨」，更指「任何嘅情況下，我哋都必須否決財政預算案以及其他重大議案」。

何啟明則曾言「我哋35+，唔係因為入到議會先團結，市民係好想我哋一齊團結入議會呀，所以點解我哋就要走出來簽呢份抗爭聲明，當有啲人唔願意簽嘅時候，市民就用佢雪亮嘅眼睛，就用佢手上一票，咪foul走佢囉」，又指「我哋而家面對緊嘅係一個極權呀，我哋全部人都係受壓迫者，呢個極權就係用更大嘅力度來到打壓所有人，所以冇話分咩泛民、咩本土，我哋全部都係被壓迫者，所以我哋要出嚟反抗⋯⋯一定係出來反抗到底，一定就係出來要打倒共產黨」。

法庭記者：陳子豪

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ