民主派47人涉嫌參與「35+」初選，爭取立法會過半否決財案被控，16人否認串謀顛覆國家政權罪受審。控方今日於西九龍裁判法院播放九龍東選舉論壇片段，當中施德來明言「我哋一定會兩次否決《財政預算案》」，譚文豪也直言「只要返到去我哋有35+，我哋必定會爭取五大訴求⋯⋯任何嘅政府法案、任何嘅撥款同埋最緊要嘅呢個財政預算案，我哋都會投反對票嘅」。
法官李運騰向副刑事檢控專員周天行提問可會依賴論壇中其他人指控被告的說話，指出在舉證共同串謀者規則（Co-Conspirators Rule）時，控方要表述出明確立場，讓辯方可及時提出反對。周思量半晌後同意會依賴他人說話，控方案情完結前會交代清楚。
被告施德來論壇上曾發言指「共產黨信唔過嘅⋯⋯面對中共打壓，我哋香港人只有團結一致，抗爭到底，抗極權、衛我城」，直言「因為今日嘅中共，我哋冇討論嘅空間、冇談判嘅餘地，只有抗爭到底，入到議會裏面，我哋大家都要否決《財政預算案》，大家都要否決政府所有嘅議案，同呢個政府抗爭到底，攬炒呢個政府，因為真正攬炒香港嘅就係林鄭、就係呢一個中共」。施德來明言「今日嘅民協入到議會裏面，我哋一定會兩次否決《財政預算案》，否決政府嘅撥款」、「我哋就係入到議會，35+齊上齊落⋯⋯ 35+要一個全面攬炒嘅決心呀」。
黃之鋒坦言「《國安法》立法與否，中共一直都將把刀降喺我條頸上面」，「面對住被消失、被送中、消滅人身自由嘅狀況，我好希望大家初選一定要出來投票，呢一個先係關鍵所在」。黃之鋒憶述自己一直推動美國落實《香港人權與民主法案》，直到「理大保衛戰」因港人犧牲而令法案通過，揚言當選後未來會「立足香港，邁向國際，連結世界，反擊北京」。
「快必」譚得志聲言自己「更加辣、更加衝撞、更加抗爭，絕地還拖，邊個好打、邊個夠辣嘅就入立法會」，明言曾考慮普通襲擊罪法律後果，初犯罰款，繼而判囚，「有前冇後，打死罷就」，又反指「沒有暴徒只有暴政，共產黨最暴力」、「打倒共產黨，反對《國安法》」。「快必」承諾「2次否決財政預算案，癱瘓個政府，林鄭個賊婆落台，來到做bargaining power，爭取五大訴求缺一不可」，即使全民派樓也一樣反對。
譚文豪也直言「只要返到去我哋有35+，我哋必定會爭取五大訴求，係落實呀唔係爭取⋯⋯任何嘅政府法案、任何嘅撥款同埋最緊要嘅呢個財政預算案，我哋都會投反對票嘅⋯⋯行使《基本法》嘅權力」，即使解散立法會後重選也會再次反對，逼使特首下台。
胡志偉則解釋「參與協調嘅一刻，我哋已經同意咗，就係我哋要運用憲制上面所賦予立法會嘅否決權，否決財政預算案⋯⋯ 所有嘅政府嘅法案，佢剝奪市民嘅人身自由、個人利益嘅話，我哋都一定會反對」，但曾反問難道「起醫院起學校我哋都要反對咩？」李嘉達則指「壯大黃色經濟圈，爭取更加多嘅資源投入抗爭」、「攬炒唔係一個手段，唔係一個目標，係一個態度」。
法庭記者：陳子豪
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
