阿仙奴近四場不勝且只得一和，榜首優勢幾乎盪然無存。AP

今晚英超早場有阿士東維拉對阿仙奴，兩隊又咁啱在對上一場都以1:3輪畀曼城，同病相憐。阿仙奴近四場不勝而且只得一和，榜首優勢幾乎盪然無存，現時同曼城已同得51分，只係比對手少賽一場。賽馬世界之中，有一位名家講過，「識贏就係識贏」，呢一句說話可以話係充份反映在上仗阿仙奴敗走曼城身上。曼城對上五季四奪聯賽冠軍，當中更有兩季以近乎紀錄分數奪冠，呢份底蘊係任何一隊都沒有。即使阿仙奴今季氣勢如虹，活力十足，但一到強強對話，入直路決勝時，你會從比賽中見到球員的不自信。反而，曼城表現即使沒有好太多，但就係贏卡士。

如此走勢下，阿仙奴今場有大幅回飛之情況，但有睇到阿士東維拉輸畀曼城的話，維拉係在完全無掙扎的情況下投降。因此，雖然大家都輸1：3，但過程完全唔同，因此，今場仍然覺得可以投注阿仙奴上盤，反正讓0.5/1高水，無蝕底。

意甲今晚有森多利亞對博洛尼亞，正如早前所講，博洛尼亞球員質素潛力好，近績轉好，近排打敗費倫天拿以及史柏斯亞，上仗負於蒙沙，但從數據上卻明顯輸運，蒙沙今季平均控球達55%以上，但上仗只有35%，這反映了博洛尼亞的掌控力，今晚少讓0/0.5，應該無問題。馬高

立即下載 | 全新《星島頭條》APP : https://bit.ly/3yLrgYZ