一連三場梁詠琪（Gigi）「時間遇上我們 演唱會」昨晚於紅館舉行尾場，吸引一眾圈中人捧場，包括周秀娜、鄭融、蘇玉華夫婦、麥秋成夫婦、泳兒、郭啟華及郭偉亮夫婦等，而台灣男星王大陸更帶著被喻為是「大馬女神」女友蔡卓宜到埸，Gigi媽媽、老公Sergio及女兒Sofia亦有到場，Sergio更著女兒跟現場傳媒打招呼。商台DJ梁文禮被踢爆「雙面人」行為，日前他睇完頭場演出後，先在公開的IG分享演唱會的照片，仲留言大讚Gigi好靚，但轉頭就在個人的FB撰長文狠插演唱會，幸好Gigi的EQ極高，仍舊如常演出，未有因事件而影響心情，對於被「雙面人」狂踩，Gigi說：「「其實我冇睇，私底下亦唔係好認識，所以我覺得唔使理會咁多嘢，做好自己本分同眼前嘅工作就夠。」
【相關文章】：
梁詠琪低胸高叉晚裝開騷走光露打底褲 張敬軒做嘉賓企女神隔離冇晒自信
【點擊睇梁詠琪演唱會靚相】：
「雙面人」梁文禮日前睇完頭場後，在公開的社交平台大讚Gigi的演唱會，但轉個頭在自己的私人社交平台留言：「個flow差，歌編得差，舞差，當然佢唱得差啦~ 其實都預咗，但係無諗過咁離譜，唱K咁！！連《愛自己》都入唔到呀大佬，我全晚都睇得好猛（忟），坐立不安......唯一想讚嘅係，佢短頭髮真係好靚好襯佢，身形好，將啲醜嘅衫都carry得好，好似呢件『着上一張抹完鼻血嘅紙巾』咁。」結果惹來網民狂轟，有傳媒向梁文禮了解，但他「潛水」未有回應為事件。
對於被梁文禮狂踩，Gigi就表示不要緊：「一套電影，有時都有好同唔好嘅評價，我覺得唔緊要，最緊要我喺當中盡咗最大努力，每一個意見我都會接受，咁的而且確我認為自己仲有好大嘅進步空間，我都會不斷去力求進步。」至於梁文禮一邊讚她的演唱會，另一邊則狂踩，問她可會覺得對方是「雙面人」？Gigi說：「其實我冇睇，私底下亦唔係好認識，所以我覺得唔使理會咁多嘢，做好自己本分同眼前嘅工作就夠。（認清咗一個人？）我覺得唔係好關我事。」
至於演唱會出品人陳家倫，對Gigi演唱會被梁文禮狂踩，他就寸爆地反問對方是否很出名，在得知對方是DJ後，陳家倫說：「佢係咪對時裝好有研究？唔係吖嘛，對音樂好有研究？咁如果佢唔係呢兩範翹楚，只係一個普通人去批評或者比啲意見就由得佢，佢講嘢係有自由，佢鍾意點講就點講，一個普通人我唔想回應佢講嘅嘢。（即唔當一回事？）Nothing！」而他又指不知道那個帳號是否真的是梁文禮，並謂就算是普通人也可以給予意見及批評，演唱會好與不好就等觀眾自己去衡量。
【其他文章】：
「最美千金」何超欣顏值越來越高 出席世界首腦會議盡顯何家地位
60年代影星金漢凌波激罕露面！追求健康生活唔似年過80 移民多年曾揚言因一事不再回港
45歲任港秀近況曝光 拍三級片裸露演出做艷星 疑涉向富商「送外賣」毀前途
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
