香港演藝人協會日前相隔三年再度舉辦春茗茶聚，除會長古天樂、副會長余安安及一班年輕藝人外，多位前輩包括羅蘭、余慕蓮、馮素波、黃夏蕙、丁羽、邵音音、張雷等亦有現身春茗，場面墟冚。今年開始，大會特別增設「傑出演藝大獎」環節，表揚為演藝界付出寶貴青春的前輩藝人，余慕蓮、江圖及黎宣榮膺首屆得獎者，余慕蓮上台領獎時喜極而泣，邊嗚咽邊感激會長天樂對前輩的照顧，場面感人。
【點擊睇黎宣最新近況】：
古天樂在春茗茶會上，親手頒發獎座給兩位得獎前輩余慕蓮和江圖。余慕蓮領獎時表現激動感觸落淚，她哽咽說：「多謝多謝，今日好開心見到咁多老友記，已經幾年冇見，多謝主席（古天樂）照顧我哋成班，繼續搞多啲活動。」余慕蓮坦言從影數十年來從未得過任何獎項：「好感動有人畀獎我，諗住呢世都唔會有獎，以前走勻五台山，啲人叫我五台蓮，但係都未有一個獎，我安慰自己，屋企細冇地方放，今日好驚喜演藝路上得到獎，我會將呢個獎座放喺廳。」
現年85歲的余慕蓮於2020年患上肺纖維化，一度要在深切治療部留醫，出院後積極休養，雖然走路時要用步行架輔助，但在整個茶聚精神不俗且對答如流，余慕蓮指：「好多人入ICU都未必出得返嚟，所以我好感恩，醫生話冇得醫，只可以每年打兩次標靶藥，唔好畀佢翻發，一翻發就拜拜。但我唔驚，每個人都要死，最緊要瞓瞓吓去，唔好辛苦，唔好入醫院，之前喺醫院瞓嗰半年真係好辛苦。而家我一早就叫姐姐陪我去行公園，醫生叫我行多啲，如果唔係會肌肉收縮，行完公園就去麥花臣（體育館）踩吓單車機。」
另一位得獎前輩、現年86歲的江圖對得獎亦深感高興：「好鍾意做戲，將來仲可以叫我演出，我之前喺《叔．叔》戲份雖然少，但好開心，希望再有機會做戲，我未係老到行唔到，仲可以同觀眾見面。」
現年92歲的黎宣雖然未有出席春茗，但余安安日前將獎項送到府上更合照留念，久未露面的黎宣雖然坐在輪椅上，但在鏡頭前眼仔碌碌，十分精靈，更表示對得獎感到開心。出身自演藝世家的黎宣，父親為「香港電影之父」黎民偉，已淡出娛圈的黎姿（現名馬黎珈而）是她的姪女，早於上世紀50年代已活躍影壇，晚年加入TVB拍過《大時代》、《真情》等多部經典劇集，自2010年拍完《Only You 只有您》便淡出娛樂圈，跟老公高宏享受人生。對上一次被黎宣被拍到現身，已是2019年到一間診所由老公和女兒陪同下睇醫生，當時高宏還拖實黎宣離開診所。
古天樂自2018年上任香港演藝人協會會長後，一直致力維護演藝人權益，疫情期間又發起「香港電影工作者疫境支援計劃」，向基層電影工作者發放援助金；經歷三年的抗疫，會長古天樂於今年拍板復辦春茗茶聚，席上除了向會員派發由他與曾志偉預先安排的利是及福袋外，余安安、成龍、劉嘉玲與前副會長張敬軒亦捐出獎金獎品作抽獎之用，令席上會員滿載而歸。
【其他閱讀】：
48歲李玟自爆天生缺陷靠右腿撐全身 再度入院做手術恐以後無法跳舞
「世紀賤男」周永恆傳婚變 內地老婆IG刪婚紗照獨力湊仔似單親媽媽
范冰冰現身柏林影展着旗袍被嘲似行走的青花瓷 蘋果肌異常腫脹撞樣恐怖公仔Billy
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
