28歲譚仔創辦人媳婦的蔡天鳳（Abby）上周五（24日）被揭發慘遭碎屍身亡，事件震驚全城。《東張西望》今晚（28日）播出蔡天鳳的10多名親友，包括其父母、阿姨、丈夫今早到富山殮房認屍後，一行人返回大埔龍尾村的案發現場進行路祭。蔡天鳳的母親極度傷心，擁著女婿激動落淚，蔡天鳳的丈夫上香時，強忍悲痛表示：「好感激遇到你！」節目之後播出獨家電話訪問蔡天鳳的現任奶奶，更公開多張從未曝光的照片。
【相關閱讀】：蔡天鳳碎屍案｜與譚仔太子丈夫10歲認識青梅竹馬 蔡母與女婿生活照流出舉動親密關係好
【點擊睇蔡天鳳未曝光照片】：
蔡天鳳的現任奶奶強忍悲痛表示：「我係Abby嘅奶奶，我一直對四個小朋友好好，好錫，上一年聖誕，我仲同我仔、新抱、四個孫、兩個工人姐姐啦，一齊去日本玩，好開心，冇諗到成為追憶。今日呢，個新抱頭七，去到龍尾村路過慈山寺，覺得好心寒，竟然啲衰人喺觀音腳下，做啲咁喪盡天良嘅嘢，去到龍尾村見到間屋仲傷心，依家好傷心、好痛，最細個小朋友得3歲，就冇咗媽媽，好冇陰功，希望Abby早日得到沉冤得雪啦，拉晒啲衰人，等佢一路好走、安息。」蔡天鳳的前夫父母與現任丈夫的父母，曾一同到大埔慈山寺參觀。
而曾居住在龍尾村案發單位的藝人古天祥，今晚也有接受節目電話訪問，他表示在2020年至2021年曾住在該處，當時因為要換樓，故找個地方暫住，他說：「龍尾村嘅治安或者附近嘅村民，大家其實都好好，大家唔只平時見到會打招呼，亦都會大家傾計。呢件事之後，大家都有互相問候，其實我依家嘅心情都係非常之沉重，希望死者可以早日安息，沉冤得雪。」
【其他文章】：
蔡天鳳碎屍案｜生前生活照曝光 身家近億鏡頭前大啖食杯麵打扮樸素做義工性格貼地
蔡天鳳碎屍案｜麥詩敏報道頭顱發現時雙眼泛紅強忍淚水 網民大讚有同理心
蔡天鳯碎屍案丨劉倩婷亦是閨密齊慶生 獨家回應:她的善良將會留在每個朋友心𥚃
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
