新冠疫情專頁| 第五波疫情專頁

由馬國明、陳山聰、唐詩詠、劉佩玥、劉穎鏇等主演的《隱形戰隊》終於在昨晚啟播，首集的內容已經有大量重要角色登場，更有大型的「喪屍」襲擊群眾場面，事件驚動衝鋒隊督察 Madam Q 阿寶（唐詩詠飾）及反恐特勤隊（Counter Terrorism Response Unit｜簡稱 CTRU）成員邢風（劉穎鏇飾）加入協助，最終二人合力制服「喪屍」。劉穎鏇登場形式相當具氣勢，邊奔跑邊拋掉外套的她，一個飛身雙膝貼地向前滑動的同時，一個箭步已將目標箍緊及制服，盡顯孔武有力一面；打得又睇的得劉穎鏇，更獲封為新一代「性感打女」。

【點擊睇劉穎鏇如何獲封「性感打女」】：

唐詩詠飾演衝鋒隊督察 Madam Q 喬寶寶。

陳山聰飾演 CTRU 總督察顧家強 Cool sir。

詩詠呢招單腳企「拱橋」，盡顯驚人腰力。

由副武指慧慧飾演的喪屍。

劉穎鏇跑住出場已經夠型。

仲要嚟一招跣膝捉喪屍，真心型。但就係為咗呢一下型！Tiffany 就硬食咗 32 下 NG，同無數心理壓力。

跣完膝仲要即時出手鉗實喪屍，再做出「大迴環」動作揈走個喪屍，真係少啲臂力、背肌力同腰力都唔掂，監製 Jazz 都話 Tiffany 呢場戲值得一讚。

兩人最後合力制服由副武指慧慧飾演的喪屍。

Tiffany 係有馬甲線！

操到膊頭都起埋骨，足證脂肪含量真係勁低。

Tiffany 係熱血「菜鳥」，對於加入 CTRU 充滿期盼。

至於詩詠一招單腳企「拱橋」，亦是吸睛非常，兼盡顯驚人腰力。不過原來一個簡單的「跣膝」動作，背後要付出大量努力，劉穎鏇受訪時透露相關動作是臨時加插，並笑指當初對「跣膝」Mission 充滿期待：「嗰場戲我哋拍到中午時已經非常熱，嗰日太陽好猛，而當我知道有呢個動作時，初頭係好興奮嘅，因為我以前打開波，有時都需要跣住去救波，呢個動作我都熟悉嘅，武指仲畀咗兩個 Knee pad 我添。」劉穎鏇補充指整個動作難度不在「跣膝」，而是角度及各方面的配合：「嗰刻最難係點 make sure 每次停低都係停啱同一個位，同埋捉住佢（喪屍）又揈開佢個力度應該點掌握，嗰一下總共拍咗 32 takes。」

其實在剃穎鏇上一套劇《超能使者》中已經顯出她的身手，在劇中好打的她腿功了得，更獲得網民高度評價，表示自薦「好想被劉穎鏇踢」、「好想畀最強body踢死」等等，「性感打女」之名早有伏線！