新冠疫情專頁| 第五波疫情專頁

由「女神」高海寧（高 Ling）、彭慧中（Phoebe）、陳星妤（前名：陳聖瑜）跟曾獲封「少年食神」的林澄光（Michael）主持的《吃貨橫掃曼谷》不斷派福利而成就不少話題，將於星期六晚播出最後一集，Michael 孖高海寧、陳星妤大歎 CP 值超高、色香味俱全的下午茶，價錢只 1,250 泰銖，即約 280 港元。席間 Michael 問到兩位靚女，覺得 Afternoon Tea 應着重打卡還是味道？高海寧坦言：「我唔係鍾意打卡嘅人，享受食物質素多過樣貌。」陳星妤則說：「我一定揀打卡，我好鍾意玩 Social Media，影多啲靚相吸引人去睇，食物味道對我嚟講係其次，夠唔夠靚先係我去嘅原因！」

【點擊睇最後一集的精華】：

高 Ling 同星妤行完街孖住去 Afternoon Tea。

呢個 Tea Set 只係約 280 港元，性價比極高。

星妤話打卡大過天。

星妤覺得食物外觀靚唔靚對比食物質素更重要。

之後四人去咗唐人街一間百年老店食潮州菜。

呢間老店仲係用緊炭火爐灶。

齊齊食好西。

榴槤雪糕有過百年歷史自家新鮮製造。

食完榴槤雪糕，露出一臉冧樣。

星妤食得好滋味。

炸蝦仁音量其實就係炸蝦棗。

Michael 好有心咁幫呢間老店更正中文餐牌。

節目尾聲，大家着到靚一靚去夜蒲。

高 Ling 話估唔到曼谷有咁多素食餐廳。

Phoebe 就話呢次行程好爽。

星妤就話打卡打到爆晒。

一邊飲酒一邊欣賞曼谷夜景，真係 Chill 到爆。

之後 Michael 帶大家去唐人街，幫襯逾 130 年歷史的老店食潮州菜。這間老店最大特色是堅持使用炭火爐，因此特別考驗師傅控制火候功力，煮出來的菜別有一番風味。四人除了大歎煎蠔餅、菜脯蛋、炸蝦棗等美食外，還品嚐了鎮店之寶榴槤雪糕，老闆堅持用木桶每日新鮮製造，彭慧中食到冧樣盡現並說：「好鍾意佢個質感，有啲似 Gelato 嘅感覺！」高海寧則指加榴槤肉就仲正。這間百年老店的餐牌雖然印有中文，但菜式的名字卻睇到人𢱑晒頭，如「炸蝦仁音量」其實是炸蝦棗，「炒樸螃蟹咖哩粉」是咖哩炒蟹， Michael 今次更藉機為這間老店更正中文餐單，非常有心。

節目尾聲，大家打扮到靚一靚去夜蒲，高海寧大晒白滑香肩，陳星妤大騷美好身段，彭慧中則晒出招牌長腿，養眼指數爆錶。講到今次曼谷遊的感覺，茹素的高海寧說：「估唔到曼谷咁多素食，大家以為得海鮮同辣嘢，Michael 介紹得好好。」彭慧中說：「覺得好爽，有得食同埋做好多 SPA，最緊要係唔使自己諗，幫我安排晒！」陳星妤則說：「打卡打到爆晒，估唔到曼谷打卡位咁靚。」最後大家碰杯約定重遊曼谷，為旅程畫上圓滿句號。