「威哥」情路都比較坎坷，以前同「鬼妹」拍拖，已經好似提款機咁任人撳，因為愛嘛。不過當時「威哥」仲係小角色，係公仔箱浮浮沉沉，但為咗令「鬼妹」威俾人睇，知道佢鍾意某個牌子嘅手袋，都買咗幾個俾佢傍身。
不過最離譜係乜呀？「鬼妹」一直嫌「威哥」無出息，想向「富二代」攀緣，點知攀着個破咗產嘅「富二代」，但為面子，周圍話人聽啲袋係「富二代」買，「威哥」又好似無乜嘢咁，佢話男人要大方啲，唔好太計較。
呢份唔計較，延伸到佢依家嘅老婆「俏俏」，受咗情傷嘅「威哥」好快就同合作開嘅「俏俏」情投意合，話晒「威哥」高大敦厚人品好，係圈中數一數二嘅筍盤。「俏俏」講英文多過講廣東話，同「威哥」好夾，仲係有大把前途嘅時候接受求婚，畢竟「威哥」都一把年紀。
婚後三年抱倆，「俏俏」照顧家庭為樂，全職媽咪同仔女同學啲阿太媽咪多咗來往，人亦變得虛榮，返屋企成日要「威哥」買限量版手袋，以「威哥」唔係富豪級無Quota，惟有用炒價買袋嚟滿足老婆嘅要求，以前就大時大節至會開聲買靚袋，依家就月月要，搞到「威哥」有啲吃力。
加埋近年因疫情少咗好多嘢做，收入都係啱啱好，「威哥」惟有不停主動出擊，有事無事都同啲客打下交道，希望搵多啲Job嚟養家。「威哥」咁多年都好慳，買親啲衫都係減價貨，出埠就去outlet執平嘢，用嘅都係平價貨，連手機都唔捨得換新型號，男人娶唔到慳家淑婦都好陰功㗎！
【相關文章】：
星8卦｜「大眼」搞散老闆頭家 得罪正室被雪藏 結果要搵老襯埋單
星8卦｜「冠軍」被利用拆散有婦之夫 結果情人遇意外變植物人 決心落仔再嫁有錢佬
星8卦｜「白淨」恨做有錢人愈嫁愈豪 遇擦鞋仔投資錯誤冇咗一半身家！
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
