禽流感陰霾下部分地區如台灣出現蛋荒。本港市面雖然蛋源充足，但也有市民按耐不住聞風而搶。有網民以「阿媽跟咗班師奶一齊去搶蛋」為題在討論區發帖，指「屋企得3丁友」，「平時又好少食蛋」，擔心母親搶購的3排蛋「擺到臭都未食得完」。
樓主指「依家話有咩蛋荒，阿媽今日跟埋班師奶一齊去買蛋。佢返到屋企影相畀我哋睇話佢好叻咁買咗3排蛋返嚟，話依家要30幾蚊一排叫我哋慳住食」。
樓主引述其母親指「啲師奶朋友話依家唔買遲啲就冇得買」。樓主卻續稱，「其實我哋屋企平時好少食蛋，之前買一排都要食成個幾月先食得晒。屋企得3丁友，依家阿媽買咗3排返嚟唔知會唔會擺到臭都未食得完。阿媽仲話佢啲師奶朋友買咗5排蛋，諗諗下自己買咁少好似蝕咗」。
網民回應搶蛋：
回應的網友形容是「盲搶鹽 2.0，盲搶蛋 」，也指「雞蛋唔放得好耐」，且不信香港出現蛋荒，稱「早兩日先買咗兩排！」、「其實大陸蛋都幾充足」、「好多蛋賣喎，廿幾蚊就有」、「加上我見到都好多雞蛋買」、「所以唔使買咁多啦」。
為解決樓主家的蛋滿之患，網友建議「可以叫阿媽晚晚用蛋去整唔同嘅菜式出嚟~~」，並指「幾十蚊買到個自豪感咪畀佢威下，蛋可以整好多嘢唔會浪費！」。有人則搞笑地指，與其搶蛋，「不如買隻雞番屋企等佢痾蛋」。
帖文來源：香港討論區
相關新聞：
禽流感全球蔓延 外遊防疫錦囊大合集 記住6字真言
相關新聞：
台灣蛋荒｜買不到雞蛋轉食鴨蛋 鴨蛋漲價創歷史新高
台灣蛋荒｜大幅影響午餐 台北學校擬調整每餐至60元
同場加映：
港女同男友傾電話不滿阿媽偷聽 網民見招拆招避開慈母順風耳
吾家有女初長成且已交上男朋友，為人母親的自然緊張，正所謂「外母見女婿，口水嗲嗲渧」。有港女卻在網上討論區開帖大呻，不滿媽媽偷聽她和男朋友傾電話，坦言「同男朋友講嘢把聲都嗲啲，好似BB呢啲喺阿媽面前真係講唔到出口」。網民雖然有教路避開母親的順風耳，但也開解樓主，指這是為人母親對女兒的關心。
樓主日前以「阿媽好鍾意偷聽我同男朋友講電話」為題發帖，詳列母親「惡行」——「阿媽好似真係好關心我嘅戀情咁，發覺佢成日都會喺我同男朋友傾緊電話嘅時候，借啲意走入嚟我間房，好似入嚟搵衫、拖地、拎水果畀我食，平時唔傾電話又唔見佢咁做。見到阿媽喺我房，佢仲要陰陰嘴笑住咁望住我，搞到我唔好意思畀阿媽聽到我同男朋友講嘢。同男朋友講嘢把聲都嗲啲，好似BB呢啲喺阿媽面前真係講唔到出口。頂唔順阿媽，搞到我會閂門鎖門傾電話。雖然鎖咗門阿媽入唔到嚟，但佢竟然會偷偷企喺門後面偷聽。有次一開門，就見到佢偷聽，佢仲要扮冇事咁。都唔明點解佢咁鍾意偷聽我同男朋友講電話。」
樓主詳列母親「惡行」及網民回應：
網民大多從母親角度去看，指「正常」、「阿媽關心嗰女」、「關心啫」、「樓主，你媽咪都係關心你啫」、「正常操作啫」。有人卻不客氣直指「『好奇』完，你阿媽都幾8掛下」；有人則稱「相信係過渡期，俾Ｄ時間阿媽調節心態」，並鼓勵樓主「係時候快快帶你個男朋友回家，給媽媽看個夠啦」。
而為回應樓主的呼喚，網民都盡量想辦法讓樓主暢所欲言，建議「以後用Whatsapp手寫囉」、「鎖門 + 講細聲啲」、「y not 直接叫佢唔好再咁」。
帖文來源：香港討論區
同場加映：
勁嬲女兒做「殯儀館守夜」 媽媽一聽日薪「咁多」即變樣
網絡熱傳一段母女通話錄音，女兒初踏職場，告訴媽媽找到工作了，媽媽急忙問找到什麼工作，女兒答是「殯儀館守夜」，媽媽即時嬲爆，但忽地一想：薪金多少？女兒一答，媽媽即轉嬲為喜。
究竟女兒點講？｜附殯儀館「員工9大守則」↓↓↓↓
