新冠疫情專頁| 第五波疫情專頁

因為顧著滑手機而冷落身邊人的情況時有發生。有港女近日以「同朋友食飯好似自己一個食咁」為題在facebook討論區發帖猛呻，指約朋友食飯時，對方全程只顧玩手機，感覺好無癮。回應的網友大都替樓主出氣，批評對方無基本禮貌也不尊重人，不過另有人笑言「你唔夠你朋友社交平台吸引，你要好好反省啦」。

樓主講述詳情，指「同某個朋友通常1個月左右會約一次出嚟食飯，近呢3次食親飯佢都係掛住㩒電話，無論行去行餐廳嘅路程上，食緊嘅時候定係走嘅時候都係㩒住個電話。我同佢講嘢佢有回應㗎，但對眼都係望住個電話不停打字，一係就睇FB、IG。

我都開聲同佢講過，可唔可以專心小小同我食飯？我覺得好似同自己一個食飯冇分別。佢話佢返工冇機會㩒電話，難得放工有自己時間想做下自己嘢放鬆下，同埋習慣咗一見到電話就忍唔住㩒。

我忍唔住問佢咁你做咩要同我約食飯呢？點解唔索性專心D返屋企抖下㩒電話？講完之後佢真係feel到我嬲，就放低咗部電話。我話如果佢再㩒一次餐飯就係佢請，佢竟然成功成餐飯都冇㩒過電話喎。其實大家傾下計其實咪仲開心，電話幾時都有得㩒。同朋友相處放低一下其實唔係大問題呀，希望佢之後都慢慢改善到呢個習慣。唔好活喺電子世界入面......」。

網民回應：

港女呻約朋友食飯，對方卻全程玩手機。

樓主指「我都開聲同佢講過，可唔可以專心小小同我食飯？」。

朋友食飯全程玩手機，港女遭冷落。

有網民指，「人與人之間被手機隔開，反而手機與人成一體化」。

有網友稱，「在電話，佢同一時間招呼緊好多朋友。一餐飯，佢只招呼你一個」。

樓主發帖指「同朋友食飯好似自己一個食咁」。網上截圖

網民指「依家d人選擇同AI傾都唔同人傾了」。網上截圖

網民指「通常㩒電話都係同另一半傾計」。網上截圖

因應這種社交新常態，網民都細心回應：

•「習慣吓」。
•「科技冷漠呀嘛」。
•「係呀，而家d人選擇同AI傾都唔同人傾了」。
•「人與人之間被手機隔開，反而手機與人成一體化」。
•「好多人已經唔識同真人溝通相處，過度沉迷手機電子嘢」。
•「在電話，佢同一時間招呼緊好多朋友。一餐飯，佢只招呼你一個」。
•「咁又係好唔尊重人，我同朋友難得見一次真係會克制自己唔玩手機」。
•「若有這情況，最好就拿拿淋食飽走人囉。一D尊重人意識都唔曉」。
•「問題係應尊重別人，約人出嚟食飯就唔好咁，如唔係約出來把鬼」。
•「最基本禮貌都無，唔尊重人，咁同佢食嚟做咩，以後用電話同佢食啦，大家自己食，映張相畀大家睇算吧啦」。
•「我估好多人㩒電話係同緊自己另一半（係二人無見面時）溝通緊，或者同有機會發展嘅網友溝通緊，因為要時刻keep contact不容待慢半秒所以要機不離手」。
•「你嘅朋友有無另一半？通常㩒電話都係同另一半傾計，呢個年代文字溝通好普遍，而且因為緊密溝通嘅關係不能覆慢每一秒，好難怪佢的，但可包保佢同另一半見面行街時可以唔睇手機的」。

另有人提到「曾經見過，一家六口吃飯，老的玩手機，小的玩電玩，無計傾，無交流！大嘅係咁，細嘅當然唔會放過任何時間打機！」、「我也見過，一對情侶吃飯，點菜之後，各有各玩手機！」。

雖然大部分網友都力挺樓主，但有人亦搞笑地指「正式你唔夠你朋友社交平台吸引，你要好好反省啦」。

帖文來源：香港討論區