現年66歲的王俊棠加入TVB 26年，擅演惡霸、打手、社團人物等角色，是TVB「御用惡人」之一，近年他在《愛．回家之開心速遞》飾演池富，惡得來又搞笑，深受觀眾歡迎。最近王俊棠接受演藝人協會訪問，暢談當年被李修賢發掘去拍電影，之後加入TVB成為「御用惡人」的經過。王俊棠由於兒時不愛讀書，父母為他報讀香港航海學校，畢業後便開始行船，後來因為一次意外腳部骨折，康復後他決定留港跟朋友做警察。不過因為警察工作太過沉悶而再度行船：「最後因為我親生細佬意外離世，得返我一個仔，我決定留返喺香港做嘢。」
【點擊睇王俊棠全裸拍戲】：
80年代，王俊棠在夜場「Disco Disco」工作：「198幾年嗰陣，李修賢同王鍾兩個導演落嚟搵我，問我有冇興趣拍戲。其實嗰個年代我已經做model，嗰陣識咗梁家輝，一齊去澳門行過catwalk。」當時王俊棠在王鍾執導、李修賢主演的《流氓公僕》全裸演出，他透露：「我係一個心理變態嘅攝影師，畀修哥（李修賢）帶上露台剝晒衫褲，嗰陣已經好犀利，我要裸跑，OK嘅，跟住之後好多個都裸跑，成龍又裸、洪金寶又裸。」不過王俊棠當時並無簽約李修賢的電影公司：「佢哋搵我開工我就去。」
後來TVB前監製鄺業生構思《陀槍師姐》時，找來王俊棠飾演以「賊王」葉繼歡為原型的角色：「所以我喺1997年嗰陣入咗去（TVB）拍，當時仲未簽約，只係拍一部。後來拍完《陀槍師姐》，監製李添勝搵我飾演鰲拜。」不過王俊棠卻認為《鹿鼎記》中的演鰲拜是他從演以來最失敗的角色：「我做得真係失敗，唉。未拍過古裝，出面拍電影全都都係時裝。同埋我演繹冇去鑽研得咁緊要，起碼把聲都要用一個比較低沉嘅聲線，聲音、語氣都要氣，而且（當時）經驗唔夠，邊做邊學，做戲唔係咁簡單，一個奸角可以有好多種演繹方式。」
對於被稱為TVB「御用惡人」，王俊棠笑說：「都好嘅，起碼你搵惡人，第一時間諗起我，啲監製全部唔使casting。」不過他卻表示，原來不想只做惡人：「當然都唔係咁想做，其實有啲比較黑色幽默、面惡心善嘅角色，都可以做啲比較傻嘅角色。而家我做《愛．回家》都係市井之徒，又貪慕虛榮，唔係大奸大惡嘅角色，希望多啲機會拍吓多啲，傻佬都冇所謂。」而時他最想做「正氣」角色：「畀返人睇我唔係咁奸。」
近年囝囝王東泰入行做藝人，王俊棠提到父子關係似朋友：「我有兩段婚姻，同前妻嘅大仔唔係同我哋住。我同細仔相處（王東泰）嘅時間，佢已經好大個，有自己思想，每個人都係獨立個體，唔能夠控制佢，佢自己想點就點，只可以支持佢，除非佢做埋啲犯法嘢。佢都有同我講（入行），佢自己話要考，我唔會阻止，一定要畀小朋友自由發揮，身體健康、開開心心就夠。」
【其他閱讀】：
盤點8位由馬來西亞來港發展藝人 有位歌后紮根香港逾40年早過楊紫瓊
何超欣同巴菲特孫新抱參加世界級富豪婚禮 高衩騷事業線仍不敵超模阿嫂奚夢瑤晒香肩
「AV天后」三上悠亞含淚宣布引退令男士心碎 去年人氣下滑已為轉型鋪路
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
