有港媽在Whatsapp群組圖文並茂自爆虐兒，該港媽疑為女兒拍攝報校影片時，女兒「叫佢坐定就唔答，仲奸笑」，「比（畀）我星咗一巴」，港媽為了遮傷痕竟「搽粉遮紅再拍」，事件在網上熱傳，有網民已就事件報警。
有網民今日（14日）在連登討論區發帖揭發事件，引來網民熱議。
自爆虐兒港媽大起底↓↓↓↓
樓主在帖文中截圖披露事件：「本身拍片原意係俾學校知你平日生活係點，一個二個搞到變咗表演咁，仲要唔啱心水就打X個小朋友。」
「張圖都係whatsapp group forward 出嚟，如果有幼稚園收到呢份申請，真係要考慮吓報警救吓個小朋友。」
根據網民截圖顯示，該家長疑替年幼女兒拍片報校時，女兒表現不合作，「明玩嘢。」「唔好拍，唔好讀呢間。」「我接受唔到佢咁樣。」
「叫佢坐定就唔答，仲奸笑。」「比（畀）我星左（咗）一巴。」「而家哭都唔敢，坐係度。」女兒被該港媽掌摑後，疑面部留有傷痕，為繼續拍攝，該港媽竟謂「而(依)家搽粉，遮紅印再拍」。
事件曝光後，網民紛紛批評該港媽虐兒行為，有網民已即時透過網上舉報系統，向警方報案。
網民批評：「星咗一巴都夠膽同人講。」「咁細個都打得落手......我報警拉你......」「呢d咪證據囉，叫個呀媽自首啦。」
網民迅速將涉事家長起底，該家長設有FB專頁，並開設日韓嬰兒用品店。
有網民截圖指，該港媽懷疑曾帶女兒到海洋公園遊玩時，女兒甩骹喊痛未有在意，更一度懷疑女兒扮手痛，其後才帶女兒求醫。該港媽私人專頁及嬰兒用品店專頁，在疑似虐兒事件今日(14日)曝光後已關閉。
----------
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
