民主派47人參與「35+」初選，涉嫌爭取立法會過半否決財案被控，16人否認串謀顛覆國家政權罪。區諾軒今早於西九龍法院盤問下直言「現實政治上完全實現五大訴求係唔現實嘅，相信政府唔會完全接受晒五大訴求嘅全部內容」。區認為「民主嘅路要一步一步走」，現實上政府無法馬上實現普選，需經過許多程序，甚至連眾大學校長與特首磋商，也未能實現設立獨立調查委員會。
大律師馬維騉代表陳志全盤問下，區諾軒認同戴耀廷2019年底文章及飯局中，顯示了其願景為爭取民主派立會過半來實現普選，亦是五大訴求之一。馬維騉問「是否同意有部分人會接受政府只回應1、2個訴求？」區答到「我唔排除社會上有一定程度人噉諗」。《國安法》指定法官李運騰反問「35+根本目標不是爭取五大訴求，缺一不可嗎？」，區認為「現實政治上完全實現五大訴求係唔現實嘅，因為始終都要政府回應，我亦都相信政府唔會完全接受晒五大訴求嘅全部內容」。
李官追問現實上是否不可能，區答「政治上始終要談判同妥協」，續指「就我理解最終極目標係真普選，但民主嘅路要一步一步走，2019年、20年情境下，政府忽然聽日就話有普選係唔現實嘅，至少程序上有好多關卡要走，亦要顧及社會各界意見」，所以實現五大訴求「係一個好難嘅機會」，同意情況「接近一個死局」。區「相信喺撤回逃犯條例之餘，最容易達成目標嘅係設立獨立調查委員會」，舉例提到2019年8月，一群大學校長到禮賓府與特首磋商設立獨立調查委員會，「似乎終歸唔能夠實現，所以五大訴求係唔容易實現嘅目標」。
法庭記者：陳子豪
---
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
