瓣數多多的林盛斌（Bob）在娛樂圈撈得風生水起，身兼主持、演員及娛樂公司老闆，單是司儀騷已經排得密密麻麻，，有傳他平均每場騷收六位數字的酬勞，最高紀錄試過一年接下過百場騷！努力賺錢養家的Bob，本來已經租住被C君形容為「大過地球」的九龍塘四層獨立屋，又爆他年賺2,000萬，而去年就再搬到同區更加大的豪宅。昨日（16日）Bob又在社交平台貼上一張豪宅的大門口相，惹來又搬屋的疑雲，連陳煒都忍唔住留言問：「你又買大屋啦！」
【點擊睇林盛斌疑似又搬大屋】：
原來阿Bob並非一搬再搬，而是借去年搬屋一事激勵大家，他說：「曾經有一段時間，間唔中就會揸架車周圍去，然後望吓附近嗰啲屋，跟住同自己講：『終有一日，住呢度！』信念，決定一切。」他又稱：「吸引力法則就係咁得意，只要你主動向宇宙要求，相信自己其實已經擁有，並且滿心歡喜地去接受，神奇嘅事，就會發生！」
Bob又叫人留言分享：「腦入面不斷構想日後可以做到啲乜嘢？可以去到乜嘢位置？可以去到乜嘢高度？然後某一日呢件事真係發生咗？真心想聽吓大家嘅故事。」帖文引來蔡宛珊留言：「我細個就已經好想可以住跑馬地，因為覺得嗰度好舒服，好鍾意個Vibe … 然後，我依家住喺跑馬地，每日沿路返屋企嘅時候，或者有時自己坐喺梳化度飲緊咖啡嘅時候，都會望吓自己間屋，然後同自己講我呢間屋真係好舒服，真係好靚，我真係好幸運，好感恩可以住喺呢度。跟住我就會諗，我下一間屋想係點呢？想喺邊度呢？」
【其他文章】：
盤點10位「高齡」星爸！張曼玉舊愛58歲做老竇為私生女離婚 名導發展父女戀60歲喜獲小公主
陳豪陳茵媺拍拖被熱情師奶野生捕獲 白髮婆婆興奮介紹：Famous Stars！
72歲李龍基譜「爺孫戀」過戶七物業寵女友 36歲Chris好學報讀北京航空航天大學EMBA課程
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
