TVB綜藝歌唱真人騷《中年好聲音》進入白熱化階段，本周日（19日）播出的一集展開「第六部曲故事之歌」下半場，餘下的6名參賽者林鉫徫、吳大強、李佳、龍婷、涂家堯及曹敏寶，將與上集出場的選手爭入十強。在上輪比賽中，憑一曲夏韶聲《交叉點》勇奪79分的丁文俊，獲評審伍仲衡大讚是眾參賽者之中最有質感的聲線，網民都紛紛認為他是全集唱得最好：「愈唱愈好，歌曲層次分明」、「開始聽到有味道，滄桑感重的歌很適合他唱」、「唱出多年的苦衷掙扎，出唱片呀，我會買」等。
相關閱讀：中年好聲音｜吳大強71歲追夢成大熱 三仔吳偉豪獲TVB力捧 五父子顏值爆表引關注
【點擊睇丁文俊大隻相】：
然而50歲丁文俊早於1994年已參加《第十三屆新秀歌唱大賽》，雖然最終贏得亞軍，但他投身幕前做歌手，反而轉型任職唱片幕後、音樂人助手等。翻查他個人IG帳號，四眼有肉地的丁文俊，原來17歲時擁有六嚿腹肌，胸部更是脹卜卜，非常殺食，連他也自嘲：「#無聊睇舊相 #call極腹肌都唔覆機 #青春小鳥一去不回來」。
另外周日一集，大熱人馬吳大強分享了少男時期的愛情故事，指曾被一名街頭表演的「如花少女」吸引，惜當時自己沒勇氣搭訕，以致「飲恨」至今，所以選唱《Killing Me Softly》向該美少女憑歌寄意：「女仔十八一朵花，係好吸引好靚，但當時都係細個啦，未有勇氣結識佢，機會過去咗就冇，好多時人生就係咁，你冇勇氣踏出一步，就做唔到當時個心想做嘅嘢。」並謂經常教導四名兒子要抓緊機會：「唔係淨係對女士，任何事情一有機會，你覺得有益就應該即刻去做，寧願試過都唔好錯過。」惟最終被狠批唱得「不夠感情」，相反對手林鉫徫和涂家堯卻充滿感情，更不約而同唱至眼濕濕含淚收場，贏得不少正評，令吳大強晉級機會危危乎。
【其他文章】：
大劉女兒14歲劉秀樺超成熟OL造型現身 甘比戴頭箍皮膚白滑似少女母女合照似姊妹
郭晶晶帶囡囡睇比賽食平民嘢醫肚 向中國花滑世界冠軍陳露混血女兒取經
72歲三級片天王曹查理罕現身！髮線後移昔日氣場全消戴眼鏡變慈祥老人
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
