周柏豪今日（17日）到港台為《港樂．講樂》進行錄影，節目中柏豪除演繹歌曲外，還跟合作多年的音樂監製周錫漢傾湊仔經。柏豪指3歲女兒正準備暑假去學校面試，不過當他跟女兒提及此事時，囡囡就回：「我會扭計！」不過他明白女兒因要進入另一階段，不捨得爸爸媽媽才會這樣：「都OK嘅，呢個係成長必經階段，我同老婆都唔係要佢讀書要點，唔係畀壓力小朋友嗰種，但唔係乜都唔做，盡自己能力同責任，按需要安排畀小朋友，但最緊要係佢（女兒）開心。」
【點擊睇周柏豪講囡囡】：
當初女兒報讀幼稚園時，柏豪笑言因囡囡不喜歡導致要多次面試，承認女兒很有性格：「佢係遺傳我而家嘅性格，比較主觀，如果我要做就冇人說服到，咁就慘喇，要用方法，我而家都睇好多幼兒教學學點同小朋友溝通，扭計點安撫佢，而家係研究呢啲。」又笑言現在每日也尤如上堂般，在網上看別人分享然後邊做邊學。
柏豪透露4月開始會到內地及星馬等地做巡迴，暫時已知是15場，香港則要遲一點才計劃，又笑指女兒得知後叫他不要去唱歌給別人聽：「你喺間房度唱我陪你，佢講啲嘢好莫名其妙，但知道佢唔捨得，驚爸爸離開好耐，所以喺香港盡量都會抽時間陪佢。」至於好友連詩雅的婚禮，柏豪指為了令對方開心，全日會在她身邊，為免女兒著得太靚搶風頭，所以拒絕囡囡做花女的邀請。
【其他文章】：
70歲鍾鎮濤滿臉白鬚爆超多魚尾紋變型佬 GUCCI造型陪老婆范姜追星
72歲三級片天王曹查理罕現身！髮線後移昔日氣場全消戴眼鏡變慈祥老人
細細粒陳嘉佳自認隱形富婆公開逾10萬呎別墅 新西蘭大宅有戶外大花園房內可做Spa
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
