清明將至，有網民在facebook討論區發帖詢問「拜完山啲嘢唔可以拎返屋企食？」獲熱烈回應，大都指「可以食」，但要「先人食先」。有網友則指，「拎番屋企太山長水遠」，提出不少建議，如「拜完山，即刻野餐。正！」，但要留意食物衛生，「要計埋拎返屋企需要幾耐時間，會否變壞食到肚瀉」；有人則以「太公分豬肉」來形容，一聽即明。
樓主指「屋企為咗唔使正日同人逼，提早拜山。以前拜完山啲燒味會拎返屋企食，但係阿爸唔知聽邊個講拜完山啲嘢食充滿住陰氣，人拎返屋企食對身體唔好。明明以前咁多年都係咁食，大家咪又係冇病冇痛，而家先話唔可以拎返屋企食，仲要拜完阿爸先講，等媽咪買咗啲燒味全部都要擺低，咁樣好浪費食物呀！！」。
掃墓實況及網民回應：
回應的網友大都表示「可以食」：
•當然可以
•不嬲都可以！
•咁多年都有拎喎
•自己食返唔好嘥
•人哋話分享先人福氣！
•會呀，放係到浪費，先人都唔like
•食咗幾十年啦。法科師傅話冇問題
•平時見人哋都會食，咁生果就真係擺嘅
•一定會拎嫁......d屋企人會分咗燒肉返屋企煮
•唔好浪費食物，就當積陰德，我覺得無問題
•睇錢做人啦。蘋果、橙、糕，見好多人唔要。原條燒乳豬，我就未見過唔要
不少網友還建議即食，「一家人一齊食」，指「拜完山，即刻野餐。正！」：
•通常都即食
•會，仲要即食
•一家人一齊食
•燒肉我們都是現場食
•一般會拜完就即刻食埋
•拜完山，即刻野餐。正！
•現場食，只不過係先人食先
•上次盒叉燒未落到山都己經食晒la
•通常拜山係成班親戚10幾20人一齊去，都會完咗就即場分來食
•拜山係自己親戚冇所謂，冇需要咁拘謹，當然要計埋拎返屋企需要幾耐時間，會否變壞食到肚瀉
•拎番屋企太山長水遠，又難分......一係係山度食咗去......一係去酒樓，畀錢酒樓斬咗去，一齊食......
另有網友提醒，祭祖的可以食，但鬼節作用燒街衣的就不要食：
•拜自己祖先嘅，可以食返；鬼節用嚟燒街衣嘅，就唔得
•拜完神同祖先嘅祭品當然可以食，食完仲可以得到祖先庇祐添，唔係乜嘢叫太公分豬肉，就係祭完祖大家分享；只有盂蘭節祭野鬼d祭品係唔食得！
帖文來源：香港討論區
相關新聞：
鬥早掃墓？ 周日打蛇餅等車入曾咀 提早幾星期拜山網民知點解......
同場加映：
黑衣人港鐵亂打筋肉男 大隻仔揪住講足6分鐘：大隻唔代表要畀你打！
網絡有影片熱傳，有筋肉男聲稱在港鐵內被一名黑衣人無故亂打，筋肉男非常克制沒有還手，報警後即時揪實黑衣人，舉手機自拍講足6分多鐘作證據，期間屢爆金句，包括「我大隻唔代表要畀你打」、「大隻有咩犯規？」、「香港人唔會好似你咁，唔會走，承擔囉」，引來網民熱議。
事發在3月14日下午，地點在港鐵旺角站。筋肉男捉實涉嫌施襲者，拿起手機自拍，並將影片上載其個人Instagram。
黑衣人施襲斷正 大隻仔6分鐘精警獨白｜足本字幕版↓↓↓↓
港鐵發言人回覆傳媒查詢時表示，旺角站在周二（3月14日）下午約5時20分有2名男乘客爭執，職員報警求助，期間曾勸告該2名乘客停止相關行為，並在場維持秩序，事件交由警方處理。
警方發言人表示，周二（3月14日）下午約5時23分接獲報案，指有兩名男子在旺角站打架，人員到場後拘捕一名姓盧(41歲)及一名姓何(31歲)男子，涉嫌「在公眾地方打架」，兩人報稱受傷，由救護車送院。
----
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
