▉森島司是廣島三箭攻擊中場主力。
艾爾上次提過，日職係小弟另一個較關注嘅聯賽，日本足球動畫對艾爾有好大影響，《足球小將》、《閃電十一人》、《藍色監獄》等實在扣人心弦，搞到艾爾留意多咗日本足球賽事。另外，由以往嘅岡奇慎司、香川真司，到近期嘅三笘薰、古橋亨悟等，日職不時出現一啲有質素嘅球員，旅歐之後大放異采，而聯賽嘅觀賞性同娛樂性愈嚟愈高，各位可以多加留意。
今個星期日廣島三箭會喺主場迎戰柏雷素爾，三箭以往喺森保一同城福浩監督帶領下，踢法沉悶且成績停滯不前，管理層上季決定請德甲執教多時嘅史基比做監督，結果攞到聯賽盃冠軍。
事實上，上季三箭聯賽場均預期入球達1.86，僅次於橫濱水手嘅2.20，排聯賽第2，球隊進攻侵略性大幅提升。依家以3中堅為基礎嘅三箭，成功解放森島司、賓卡利法等中前場球員嘅進攻能力，係今屆嘅爭標球隊之一。
不過，三箭防守唔太穩陣，今季暫時4場聯賽只有1場無失波。今次面對同樣入得又失得嘅柏雷素爾，先取入球大細2.5球大，角球大細10.5球大亦可以考慮。艾爾
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
