傅明憲、梁諾妍及郭偉亮等今日冒雨帶同愛犬出席《全城狗狗行善日》活動，傅明憲表示最高峰時有7隻狗，因體力不及早年，現在照顧3隻狗已經好夠，其中一隻愛犬日前因肺壓高要入院，照顧上感到好攰，加上她鍾意去旅行。
【點擊睇傅明憲梁諾妍狗狗活動】：
傅明憲透露最近去中美洲潛水睇虎鯊，再去南美洲玻利維亞睇天空之鏡，疫情前她已經想去，但身邊朋友聽到潛水與虎鯊游水十分害怕，最後搵到女朋友結伴。她說試過有4條虎鯊在身邊游，最初有點驚，但之後「膽生毛」面貼面愈影愈近；有次感覺頭部被人拍，抬頭一看原來撞到虎鯊的下巴，她覺得是好好經歷，其實虎鯊也不是這麼可怕。之後傅明憲到玻利維亞，因機場關閉要乘9小時長途巴士，她說在巴士去廁所時，看到張紙寫明只可以去小便，不可以去大便，笑言是人生難忘經驗，頗震撼。
同埸的梁諾妍被問帶愛犬Molly還是囡囡Amber出街辛苦？她稱分開帶出街照顧上會較方便，但作為媽咪當然想一齊。梁諾妍指女兒有時會欺負狗狗，但亦會攬住來錫，Molly甘願被妹妹欺負，當囡囡是小主人。問她會否再領養？她笑說想養多幾隻，令屋企好似動物園。至於小朋友方面，她坦言想生多個，但順其自然。之前她老公洪永城說要努力搵錢，她表示自己好鍾意熱鬧，無論毛孩及小孩都鍾意，她覺得太多狗狗需要幫助，會支持領養小動物。
【其他閱讀】：
連詩雅婚前Party露美背晒長腿 陳自瑤疑默認婚變後首度蒲頭笑容燦爛
張國榮逝世20周年大量生前珍貴片段逐格睇 鍾楚紅張曼玉《日落巴黎》成絕響
38歲鄧洢玲遊泰大量泳衣Look解放好身材 順應網民訴求公開澎湃正面照
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
