TVB節目《東張西望》昨日報道一宗，13歲女童疑多次於校園內遭同級男同學非禮案件，女童事後情緒崩不敢返學，錄音中的痛哭聲令人相當心痛。家長期後報警處理，返回學校通知校方，對方卻反指家長「恐嚇」，還找警察驅趕家長，事後還一而再要求女童早日回校上課，更發出通知書指若無特別理由下缺課，女童需要留班。昨日節目播出後即引起網民熱烈討論，有人還稱今次事件為「港版《黑暗榮耀》」。
【相關閱讀】：東張西望丨13歲女童淚崩哭訴遭男同學強吻「個嘢掂到下面」 校方冷待兼報警趕走家長
【點擊睇校方回應非禮案】：
今日《東張》繼續跟蹤個案，受害女童家長潘生、潘太原來曾多次試探女兒返學意願，不過女童反應極大說：「爸爸，你係咪逼我自殺？你想送我去死啊？」潘太表示當時校長曾致電問她受害女童何時回校上課，潘太反問校長：「如果返學係咪你簽名負責？」校長則表示：「返學梗係安全啦！」雖然潘太多次要求校長簽名作實，不過最後亦徒勞無功。潘先生則引述校方指：「佢哋話如果呢單案未起訴、未審到佢，呢個學生都要返學。」不過校方卻完全沒有任何安撫受害女童的措施，潘太怒控：「完全當冇發生過事。」
受害女童在事件發生後，成績大幅退步，情緒亦變得相當不穩，潘太指：「佢晚晚都發噩夢，凌晨1、2點彈醒，佢話『媽咪，有條嘢喺我後面！我好驚啊！』佢要拖我隻手先敢瞓，又唔敢出街，如果有人送貨、敲門，佢就即刻入房，用張被冚實自己。」受害女童更嘗試以膠刀𠝹手，傷害自己。受害女童讀小學時已被發現有讀書障礙、適應障礙，昔日並不需要食藥，惟近日已經要接受藥物治療。
在拍攝潘生潘太的訪問後，潘生再聯絡《東張》：「佢昨日（校方）同我講上網課去到月尾，如果到月尾都唔得，返唔到學就當佢（受害女童）缺席。到今日佢再打嚟話網課，只係做埋今日。」《東張》隨即聯絡教育局查詢案件，翌日潘生就收到校方通知女兒可以繼續網課，考試則安排單獨課室應考。
涉事中學副校長黎佩詩接受電話訪問說：「我哋做嘢都有機制，夾咗係因為私隱問題，我只可以答你網課係繼續。」主持吳幸美追問校方有否支援學生，副校長則避談說：「件事交咗畀警方調查，學校現階段唔方便發表意見。已經啟動咗危機處理小組，有社交同教育心理學家為同學、家長作出支援同跟進。」不過潘生潘太並不認同：「冇人理，完全睇唔到邊個幫到手，搵學校社工都冇用，打電話落嚟係咁叫佢返學叫關心？」警方則回覆《東張》表示，已拘捕一名13歲男童，涉嫌非禮，目前男童獲准保釋候查，並須到警署報到。
臨床心理學家梁重皿博士認為校方處理手法並不恰當：「需要確保當事人嘅人身安全，唔單止要遠離施暴者，同時需要提供一個安全環境，讓當事人有勇氣講返件事出嚟。件事對當事人帶來好大創傷，如果喺日常生活經常見到施暴者，好容易勾起回憶，當時相關嘅情緒。」至於潘生潘太曾與女兒商量，不過她並不想轉校，梁重皿博士亦認同轉校反而會有壞影響：「要讓當事人明白，個錯唔喺佢身上。如果要求受害人離開原本的居所、學校，都有機會變成對受害人嘅指責，將壞結果歸咎於受害人。」
《東張》訪問陸偉雄律師，陸大狀直指非禮事件嚴重，認為從法律角度看，校方處理手法亦並不理想：「呢次唔係好普通嘅觸碰，讓呢兩個人（受害者、疑犯）同場，會令歷史重演，可能非禮事件再發生。」
【其他閱讀】：
雯雯再割席老公張致恒 警告債主切勿騷擾家人：我真係會同你死過
Angelababy黃曉明離婚後首同場互動勁尷尬 女星一句悄悄話掀熱議
Lucy變美人魚開5歲生日會被叫做功課 沉思數秒以6個字KO爸爸李璨森
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
