張國榮《繼續寵愛．二十年．音樂會》今晚（1日）於紅館舉行，曾與張國榮合作拍電影的《整人探長藍江傳》的周慧敏，在台上唱出由張國榮作曲的《如果你知我苦衷》。唱完後她先嘆一口氣，繼而表示哥哥當年寫這首歌給她的時候是36歲，自己則是25歲，亦很難相信10年後哥哥就離開了：「經過20年後，自己已經好大個，睇返Leslie，佢個模樣仲停留嗰個時間，我而家都應該係『姐姐』，所以今晚『姐姐』送呢隻歌俾46歲嘅哥哥，希望佢鍾意。」之後Vivian唱出《痴心的我》，更指今次是杜自持專誠幫她度身訂造改編。
【相關閱讀】：繼續寵愛‧二十年‧音樂會丨梁朝偉憶張國榮無限鬼主意：昔日春夏秋冬都有你在場
【點擊睇周慧敏演唱悼念哥哥】：
李幸倪（Gin Lee）在音樂會上唱出《追》及《路過蜻蜓》，她指張國榮的歌曲是神曲，這兩首歌事前已練了超過100次，希望能夠唱出另一種感覺，演唱時更因壓力太大，令到皮膚變紅。Gin Lee表示雖然從小已聽過很多哥哥的歌，以及看過他很多部電影，但最可惜的是見過對方的真人及看live騷。另外，提到Gin Lee新曲《Dum Dum》其中一句歌詞「肯定就是你」，被網民指洗腦，她指久不久洗腦是好事，這樣大家也可以記得她，上次洗腦亦已是「很堅強」，代表傳唱度高，而她亦同時多謝歌迷支持及包容，更預告4月會再出新歌，到時再洗大家腦。
除了開場由與張國榮多次合作的梁朝偉錄製短片外，整個演唱會亦穿插不同巨星的錄音聲帶，入行初時曾為張國榮拍《柔情蜜意》MV的吳君如說：「14歲果年，你出現喺我嘅青春，多謝你，我嘅夢中情人；初入行，你讓我參演MV，多謝你，我嘅MV情人；愛情嘅啟蒙、事業嘅春天，都因你而起，沿途見證你嘅傳奇，如今一一已成傳記。好希望你能夠親口……」之後吳君如還清唱《柔情蜜意》。
曾獲張國榮點名力讚的古天樂則在錄音表示：「秋風帶走最好嘅一片葉，但留下我對你嘅思念。喺94年一個電台訪問，你我素未謀面，但你令全香港都知道我嘅名字一句提攜，在我意義非凡。我知道你心中尚有未完嘅導演夢，但我想講，我人生嘅劇本因你一句說話從此改寫。多謝你，哥哥。多謝你，張導演。」
張國榮曾與許冠傑合作創作《沉默是金》，許冠傑透過錄音從前昔日往事：「以前你總係好雀躍喺我耳邊隨口哼歌，你隨口哼，我隨心寫，譜出一首經典《沉默是金》。好多人覺得只剩低我一人獨唱，份外冰冷，儼如寒冬。但對我嚟講，每次唱呢首歌係過冬，係我同你團聚。Leslie，呢個冬天，你過得好嗎？」
【相關閱讀】：
張國榮逝世20周年丨哥迷自發搞紀念晚會逾2000人聚集 日韓粉絲：永恆超級巨星
張國榮逝世20周年丨高志森提一事暗指哥哥小器？ 重提支票事件唔認衰被批無恥
張國榮逝世20周年丨文華東方酒店擠滿「哥迷」 兩米高紅紙鶴樹最搶眼 龍尾排到遮打花園
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
