知唔知乜嘢叫做娶錯老婆慘過輸身家？人辦梗係要睇吓「型佬」嘅下場！
想當年「型佬」有個青梅竹馬「嬌姐」，因為日久生情，女方為佢身家當盡嚟圓夢，賤賣首飾嚟還債，到佢有少少錢就開個人戶口收埋啲私己錢，好在「嬌姐」醒得快，搵到富二代三年抱兩做歸家娘。
「型佬」無咗條女仲爽，唔知點解對「鄉音」情有獨鍾，拍拖唔駛幾年就將成副身家轉落佢名下，屋同現金都冇走雞，如果畀「嬌姐」知道一定激到嘔血！
為咗啖氣「型佬」三扒兩撥就娶咗「鄉音」入門，最慘「型佬」以為老婆斯文唔講嘢，殊不知！所有朋友怕咗呢個女人，因為一見面有佢講無人講，總之但凡有「鄉音」嘅聚會，大家都避得就避。最抵死係「型佬」以為「鄉音」好慳家，最鍾意同人講價，點知連自己個阿媽都斤斤計較，因為阿媽錫「型佬」，日日買餸煮飯，咁啱呢個月兩公婆去咗半個月旅行，當家嘅「鄉音」竟然只畀半個月家用，激到奶奶喊咁口，但又唔想阿仔心煩，惟有啞忍。
「鄉音」最叻應慳唔慳，出去乜都要人平啲，所以佢一直好驚畀人知自己係「型佬」嘅老婆，因為知名人士一定畀人獅子開大口，有違死魚過一刀嘅本性，所以佢唔肯同老公出席公開場合，費事大家認得佢，都話男人係盲嘅，「型佬」將老婆犯眾憎嘅缺點全部放大為不貪名利，知慳識儉，沉默寡言，知書識禮，事實呢個女人貪得無厭，講是講非，神憎鬼厭。
【相關文章】：
星8卦丨「家姐」姣媾裙腳仔連生兩個得米 避開「勢利老竇」自保
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，WhatsApp 91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
