清明掃墓慎終追遠，也是重要的家族、家庭聚會。正所謂「有咩留返拜山先講」，但言多必失，有港女昨日（3日）以「拜山拜到鬧交，媽咪話想離婚……」為題在「香港討論區」網頁發帖，指父親在掃墓時了說漏了嘴，自爆咸豐年前的情史，弄得母親大人「返屋企成程車都唔講嘢」，「返到屋企執咗幾件衫去朋友屋企住幾日冷靜下」，接著仲想找關於離婚的資料。
由於清明節臨近，有回應的網友狐疑「你阿爸鬼上身先自爆？」、「清明時節鬼拍後尾枕？」、「真係唔好拜山先講！唔通等先人去做和事佬？」。
市民掃墓實況及網民回應：
樓主表示，「成家人尋日去咗拜山，阿爸唔小心自爆當年阿嫲逼佢娶媽咪，當時阿爸有個好鍾意嘅女仔要被逼分手，阿婆同阿嫲係好好朋友，所以叫阿爸媽咪結婚等佢地嘅緣份延續落去」。
其實，媽咪由細已經暗戀阿爸，嗰陣阿爸冇講佢有鍾意嘅人，媽咪以為佢地係情投意合，只係一齊咗1年多啲佢哋就結婚」。
樓主續指，「依家阿爸自爆之後，媽咪先知原來阿爸之前唔係真心鍾意自己，覺得好傷心，返屋企成程車媽咪都唔講嘢，返到去阿媽執咗幾件衫走話佢去朋友屋企住幾日冷靜下先。到夜晚媽咪whatsapp問我搞離婚手續煩唔煩，可唔可以幫佢搵下資料」。
樓主慨嘆「真係估唔到因為呢啲咸豐年前嘅事，阿爸阿媽依家先嚟有婚姻危機……阿爸話自己唔知點解會講咗呢件事出嚟，隔咗咁多年就同個女仔都冇聯絡，依家係真心愛媽咪，都唔知點先可以幫佢哋和好，邊估到拜山會搞到咁……」
網民充當家事感情專家
一聽關於男女感情事，網民都充當家事專家，意見紛陳：
•「你呀爸點正女人死穴，好難搞」；
•「原來你一直都無鍾意過我，係幾Hurt（傷害）的」；
•「呢個世界不嬲都好無奈㗎啦，相愛嘅人唔可以喺埋一齊有乜咁出奇啫」；
•「隔咗咁多年先知自己拆散咗對情侶，呢啲秘密真係應該帶入棺材……」；
•「女人真係煩，同你呀媽講！呀爸而家無女人，你都要嘈離婚咁，我叫呀爸而家實實在在搵個女人先，咁你哋離婚就死心，唔會拖拖拉拉。好唔好？」；
•「你阿爸又係嘅。件事只有佢能解決，當追過佢啦。至緊要話一直好喜歡和感激老婆啦」；
•「女人下咗啖氣再傾下啦，好簡單搞嗟，女人為咗頭家會好快冇事，再想張件事好d，講笑咁同媽咪講：老豆閹咗架啦，同唔到第二個女人搞嘢架啦，氹番媽咪囉」；
•「過到人過到自己，睇下你媽過唔過到自己囉，如果佢真係介意，結咗婚、仔女大都可以離婚姐，問題係你媽放唔放得開」。
帖文來源：香港討論區
相關新聞：
燒紙紮手機先人唔識用？ 網民笑言：下面仲先進可能用緊冥通pay
相關新聞：
清明節前禁對付入屋飛蛾？ 港女：阿媽話係阿爺返嚟探我哋
相關新聞：
清明一家出動拜「阿哥女友啲先人」 網民4個字名正言順推搪
相關新聞：
清明掃墓高峰期曾咀化寶需預約輪籌 網民：香港變排隊港【附預約步驟】
相關新聞：
鬥早掃墓？ 周日打蛇餅等車入曾咀 提早幾星期拜山網民知點解......
相關新聞：
清明節熱議「拜完山啲嘢唔拎返屋企食」 網民咁講一聽即明
同場加映：
勁嬲女兒做「殯儀館守夜」 媽媽一聽日薪「咁多」即變樣
網絡熱傳一段母女通話錄音，女兒初踏職場，告訴媽媽找到工作了，媽媽急忙問找到什麼工作，女兒答是「殯儀館守夜」，媽媽即時嬲爆，但忽地一想：薪金多少？女兒一答，媽媽即轉嬲為喜。
究竟女兒點講？｜附殯儀館「員工9大守則」↓↓↓↓
