油麻地新填地街一報紙檔女檔主，今(8日)凌晨遭賊人偷去載有胞姐送贈珍貴手袋的鐵箱，她心血來潮到附近回收舖外，果發現鐵箱蹤影，估計有人想當廢鐵賣變，惟裏面的手袋已不翼而飛。女檔主心有不甘，在回收舖附近守株待兔，到清晨回收舖開門時，果見疑為偷箱賊重返現場，她趕緊上前攔截對方，賊人落荒而逃，惟箱內的手袋等財物無法尋回，女檔主不禁嘆謂「唉！箱搵返，我個手袋搵唔返呢，我最緊要係搵返個手袋！」
61歲姓賀報檔女檔主，在新填地街182號擺檔10年，亦曾在對面街擺檔3年，在街口亦擺了3年，從事報檔一共16年，她坦言「成日都有人嚟攞走啲嘢，我唔知咩人偷，大部分呢條街嘅人都唔會攞嘢，我擺咗（鐵箱）喺出面好耐。」
鐵箱事小，惟放在鐵箱內的手袋卻是彌足珍貴。「個手袋係我家姐送畀我，我家姐幾年前，佢先生返嚟探親，特登喺美國帶返嚟畀我嘅，我唔捨得用，全新，未用過，白色，你知我做報紙好污糟，唔捨得用，我想留返佢。真係幾靚，我咪冇用到，咁今年過年，我想用，就擺咗出嚟，擺咗箱入面，依家就唔見咗。」
她今早凌晨4時許返回開檔，鐵箱上面放有一些雜物，見那些雜物跌在地面，鐵箱卻不見了，入面有約值3000元的手袋、衣服及書籍，因為過往曾遇竊，她估計鐵箱有可能被賊人推去回收，她心血來潮走到約500米外砵蘭街36號的廢紙回收舖查看，果見到鐵箱在一架手推車上面，但鐵箱內的手袋已失蹤。 她懷疑賊人想當廢鐵賣變。
賀婦鍥而不捨，她一直等到7時半，回收舖老闆娘返回開舖，赫然發現一名男子到來「郁架手推車啲嘢」，「今次佢係推走架手推車」，疑人往窩打老道方向推着，推時因鐵箱太重，鐵箱跌落地，此時賀婦上前攔截，着該男子「畀返我（鐵箱）」，兩人糾纏間遺下鐵箱，男子卻速逃。
賊人最後溜走，賀婦坦言「等警察捉人」。她又表示丈夫4年前過身後，就已經不想經營報檔，「但考慮咗好耐，唔做可以做咩呢？可以打咩工?冇辦法。」她說今次遇竊後，失去貴重又有紀念價值的禮物，唯有加強保安，安裝CCTV鏡頭，希望有阻嚇作用。
---
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
