姜濤身處新加坡工作，此行更帶埋媽咪及親人同行，順道旅行，寓工作於娛樂。昨晚（12日）姜濤在社交平台開直播，全程6分鐘，一句嘢都冇講，但期間見姜媽穿上浴袍大方出鏡，母子更齊齊做V字手勢，非常可愛，當中可見姜濤身處的酒店房位於高層，有無敵靚景之餘房間亦極大，姜糖（粉絲暱稱）更留言叫「奶奶」，相當搞笑。
HI，姜媽。
兩母子幾可愛。
其後，心情大靚的姜濤再於IG限時動態貼出與姜媽及姨媽在酒店泳池游夜水的片段，姜濤幫媽媽在池邊留倩影，並笑言：「兒子拍照還是不行，大家以後要生女兒。」接著再影住姜媽，並會心微笑指她們是「返老還童的兩個孩子」。及後姜濤也有落水，見他穿上黑色恤衫 ，而姜媽則穿上黑色T恤游水，姜濤伸手在池中牽住姜媽的手，並自嘲：「別人牽女朋友，我牽媽媽。」
著恤衫落泳池咁得意嘅。
拖阿媽浸水。
幾好View。
祝好快拖女友。
《星島頭條》新網站有更多精彩內容：http://www.stheadline.com/
