入行24年，楊詩敏（蝦頭）憑電影《正義迴廊》中聲嘶力竭、喊到走樣，盡一切能力維護細佬的唐文珊一角，首次入圍香港電影金像獎「最佳女配角」。眼見工作有起色，以往沉醉拍拖的她將感情事放埋一邊。47歲的蝦頭唔擔心做「老姑婆」，更自信滿滿，開心大笑說：「我呢啲女仔可以帶畀另一半歡樂，所以有大把仔，你估我會冇人要咩，黐線啦！」採訪：方騫平
蝦頭創作緊一個舞台劇做獨腳戲，爭取機會畀更多觀眾認識她。
楊詩敏見工作有起色放棄媾仔。
蝦頭堅持唔會放棄拍喜劇。
檢視候選女配名單，蝦頭認為強敵當前，個個都有優點。
她最想《正義迴廊》成為「最佳電影」。
對於「最佳女配角」獎，楊詩敏聲稱隨緣，用平常心面對得失，「獎項好似一張成績表得到大家肯定及鼓勵，作為演員奪得金像獎係夢寐以求嘅事，如果設有『飛躍進步獎』最啱我，因為睇住自己係有進步嘅。」
蝦頭於《正義迴廊》中演技突出，獲女配呼聲高。
楊詩敏喺電影《正義迴廊》中聲嘶力竭、喊到走樣，盡一切能力維護細佬。
2013年楊詩敏跟黃子華合作《My盛Lady》，強吻子華一幕成為亮點。
2018蝦頭喺無綫《大玩特玩消暑篇》第5集中穿起性感泳衣晒「肉地」。
想《正義迴廊》奪最佳電影
檢視候選女配名單，蝦頭認為強敵當前，個個都有優點，如余香凝在《緣路山旮旯》好有型，跟以往演繹好唔同；王菀之在《飯戲攻心》中做到喜劇節奏；而『大師姐』區嘉雯於《窄路微塵》中演嘅媽媽好有生活感：「如果我係評審會揀林明禎，因為戲中佢既閃亮又有氣質，演繹方法只此一家，獲男女觀眾歡喜。」至於她奪獎成數又如何？蝦頭坦言要睇運氣，但帶點自信補充說：「咁我一向運氣都唔錯嘅。」其實她最想《正義迴廊》成為「最佳電影」，因為是香港近年難得的好戲。當然，影帝會投返戲中「細佬」麥沛東一票。
第41屆金像奬「最佳女配角」提名人造型照，蝦頭又型又Sexy。
電影《正義迴廊》蘇玉華、麥沛東、楊偉倫、林海峰個個都有精湛演技。
蝦頭認為林明禎在《飯戲攻心》中角色討好，奪女配成數好高。
雖然初次拍正劇就取得佳績，蝦頭堅持唔會放棄拍喜劇，期望拍出智慧型幽默，大家能喊住笑，如演到《色慾都市》中的女角：「𠵱家遇到好角色就會全情投入，連拍拖都唔會諗，我身邊有好多異性朋友，做住朋友先，因為我知自己係沉迷戀愛嘅人，唔想再攬愛情上身有太多牽掛。」
蝦頭曾與前經理人邵子風愛到抑鬱，2018年宣布結束3年情。
去年尾，蝦頭跟黃德斌合演舞台劇《短暫的婚姻2022》，劇中飾演好主動媾仔的職業女性。
《星島頭條》APP經已推出最新版本，請立即更新，瀏覽更精彩內容：http://www.stheadline.com/
