里爾前鋒莊拿芬大衛（白衫）狀態大勇，今季已攻入19球。法新社
歐洲五大聯賽入到最後直路，法甲爭冠形勢仲未塵埃落定，執筆嗰陣榜首嘅巴黎聖日耳門目前只距離第二名嘅朗斯6分，兩隊將於今輪碰頭，相信會幾緊湊。
另一邊廂，雷恩、里昂同里爾嘅分數非常接近，爭奪歐霸盃外圍賽資格。其中，艾爾較留意里爾今晚會喺主場對蒙彼利埃嘅賽事。
曾經衝擊過法甲冠軍嘅里爾，今季主場表現尚算穩定，15場主場賽事有9勝4和，近7場聯賽喺主場未輸過。今季入咗19球嘅莊拿芬大衛狀態大勇，就好似拿玻里嘅域陀奧森漢一樣，係球隊不可或缺嘅主力。配合教練科辛卡較進取嘅打法，亦有唔少進攻點，里爾火力有一定保證。
不過，里爾後防唔太穩陣，近8場聯賽只有兩場保持不失。雖然今次番嚟主場確實有威力，但對手蒙彼利埃自從轉咗教練之後，水準逐漸穩定番。同埋，蒙彼利埃有卡斯里、沙雲尼亞、華希等有入球能力嘅球員，球隊近八場聯賽都有波入。
當然，里爾需要為歐洲賽資格而努力，但蒙彼利埃都唔係省油的燈。𠲖家里爾讓球盤讓得偏辣，今場估計兩邊打得開放，鬥攻格局下，各位不妨考慮入球大細2.5大。艾爾
-----
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
