TVB節目《東張西望》今日報道一宗曾經換腎的婆婆，到私家診求醫疑似開錯藥事件。林小姐70歲媽媽早在2014年換腎，之後一直服用抗排斥藥，健康狀況良好。今年2月，婆婆咳了整整個星期仍未痊癒，於是到屯門一間私家診所求醫，林小姐表示：「佢（婆婆）咳得好犀利，咳到心口痛，腹部都痛，佢冇晒胃口食嘢。」由於林小姐要返工，婆婆獨自到診所求醫。因為婆婆曾經換腎，用藥要非常小心，林小姐當時已叮囑媽媽一定要跟醫生說曾經換腎，並要叫醫生查看醫健通。
【點擊睇私家診所疑開錯藥】：
婆婆接受訪問指，當時跟醫生說腹痛，醫生按壓她的腹部檢查，主持李旻芳問到婆婆有否跟醫生說要看醫健通，婆婆說：「我只係問咗護士，佢話呢度登記，唔會開醫健通。」至於醫生是否知婆婆曾經換腎，婆婆說：「我好似有同佢提過換腎，叫佢唔好開抗生素，佢話佢唔會開抗生素。」雖然婆婆對當日診症印象模糊，但轉介信上清楚寫明婆婆患有高血壓，並曾經做腎臟移植，而醫生則判斷婆婆有盲腸炎。
婆婆指當時醫生開了胃藥、消炎止痛等藥物給她：「後尾我先醒起，點解冇開咳藥水，到護士出嚟我問佢點解冇咳藥水，佢話『醫生有開咩？』後來佢再入去叫醫生開畀我。」婆婆按醫生指示食藥後，病情未有好轉，依然一直咳。林小姐發現媽媽未有好轉，於是叫救護車送媽媽入屯門醫院：「急症室即晚要求我媽媽留院，作進一步檢查，發現係肺炎。」
至第二日有位醫生巡房，婆婆表示當時醫生直指私家診所所開的藥物是「毒藥」。林小姐於是立刻託朋友向相熟私家醫生詢問：「嗰個醫生都係覺得幾隻藥當中，其中一款止痛藥好有問題，係猶如毒藥。如果我阿媽一直食嘅話，最懷情況係要再洗腎。」當時醫生致電林小姐講述婆婆病情時，更叫她小心婆婆所服用的M字開頭藥物（Meloxicam）：「佢話係消炎止痛藥，並唔適合換過腎或腎病病人服用。」幾位醫生的說法全都不謀而合。
林小姐之後聯終診所：「我打去嗰陣，護士話個醫生今日唔喺呢間分店，返隔籬街嘅分店，個護士話會同醫生反映。」當時醫生表示會稍後回覆，但林小姐等到3、4點仍未有電話，於是她再打電話去診所：「我搵返嗰位護士，佢講嘢都幾唔客氣，佢同我講『我哋集團式有好多護士，你搵邊位啊？唔知醫生有冇時間覆你喎』。」林小姐立刻衝去診所，但診症醫生已經離開，後來林小姐更與護士發生爭執。後來有一個自稱負責人的護士找林小姐，更表示醫生不會打電話給她，林小姐說：「佢話要攞返病歷要個病人親自攞，或者搵律師。」
《東張》向診所所屬的集團查詢，集團以電郵回覆指，病人在診症期間並沒有咳嗽，亦沒有向醫生提自己咳嗽多時。至於藥物不適合換腎人士服用，集團則回覆說：「（藥物）對曾接受腎臟移植的該病人短暫使用並沒有牴觸。」婆婆最後在留院五天，肺炎情況才有好轉，林小姐怒轟：「而家睇醫生係咪真係要講運氣？點解呢個醫生可以咁兒戲，唔知佢開嘅藥唔啱腎病人士？佢個牌到底點考返嚟？佢仲要係集團老闆！」
《東張》向家庭醫生林永和查詢婆婆的幾款藥物，提到Meloxicam表示：「呢隻係比較新型嘅非類固醇消炎止痛藥，對胃部副作用較少，不過對腎臟嘅副作用都會比較擔心。」至於另外一款胃藥、及複方止痛藥，亦需注意對腎臟的副作用。林醫生更表示：「一般來講呢3隻藥，我哋都唔會開畀換過腎嘅病人。」
【其他閱讀】：
張繼聰罕提謝安琪同陳奕迅緋聞 與天王「情敵」係老友一齊玩電單車
48歲車婉婉大解放比堅尼泳照fit到漏兼有逆天長腿 做完手術即出埠享受陽光與海灘
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
