【香港電影金像獎2023／金像獎2023／許冠文／風再起時／最佳男配角】縱橫影壇超過半世紀、現年80歲的許冠文，今年憑電影《風再起時》在第41屆《香港電影金像獎》獲頒「最佳男配角」獎，在戲中飾演廉政專員的許冠文，與「四大探長」鬥智鬥力，在片段一段以英語說出長達5分鐘的對白，極力說服多名外籍官員要嚴正處理執法人員貪污行為，獲不少觀眾大讚夠晒驚喜！
《風再起時》導演翁子光曾表示當日邀請許冠文演出時，被婉拒多次，直至許冠文看過劇本，尤其是那段英語對白後，感同身受，明白這部電影是寫給香港的情書，才答應參演。入行55年的許冠文，拍下多部膾炙人口的經典電影《半斤八兩》、《摩登保鑣》、《雞同鴨講》、《合家歡》等，被封為香港影壇「一代笑匠」，在1982年，許冠文憑《摩登保鑣》獲得金像獎「最佳男主角」殊榮，成為香港首位「金像影帝」，其後的八年間，許冠文獲得六次「最佳男主角」提名、三次「最佳編劇」提名，2022年在第40屆金像獎獲頒「終身成就獎」。
【香港電影金像獎2023·點擊睇許冠文電影作品】：
許冠文奪終身成就獎感謝許氏兄弟
去年黃子華為金像獎向許冠文頒發「終身成就獎」，當時他曾說過，以前70年代的大人勞勞役役工作、小朋友沒有太多娛樂，惟獨可以入場睇電影笑一場：「睇次許冠文，慳返去旅行！」但許冠文不自覺有甚麼成就，反而慶幸自己可以在最美麗、最浪漫、最有機會的香港成長，全是運氣，當時他亦特別感激過往曾幫助過他的貴人，包括梁淑儀、劉天賜、李瀚祥、鄒文懷，最重要的當然是許氏三兄弟，許冠武、許冠英和許冠傑「佢哋三位都係咁多年都默默咁支持住我，真係默默咁支持，一句聲都唔敢出。許冠英成日靜靜同人講：『梗係唔敢出聲啦，佢聲大夾惡又倔強又固執，又牙尖嘴脷，邊個敢同佢拗啫？』，許冠英已經上咗天堂喇，我知佢今晚一定睇緊，我想同佢講，所有你對我批評都係啱呀，我冇咗你人生真係唔得呀，我好掛住你！多謝你，呢個獎大部分都係屬於你。」
事實上許冠文曾經在訪問上提到，自己在做哥哥方面，是有失敗的地方，特別在片場拍戲時：「我做事追求十全十美，好多時都冇好好處理好自己情緒，有時會諗錯咗，認為細佬，唔使特別去氹，會粗聲粗氣，忘記咗佢都有感受，許冠英都係藝人，會覺得冇面。後來有朋友提示我，尤其許冠英會特別敏感，見到我特別驚青，喺佢過身前10年左右，我開始感受到，好想作出補救，不過已經太遲，好遺憾，實際上我內心係一樣咁錫佢，所以做人唔單止要太太相敬如賓，對兄弟同朋友都一樣，大家都係人，都想有人鼓勵同欣賞，而鼓勵和欣賞往往都係喺表情同言行透露出嚟。」
許冠文因李翰祥視導演為終身職業
貴為「一代笑匠」的許冠文，在芸芸作品中，最印象最深刻必定是首部電影《大軍閥》，許冠文曾經在訪問上表示︰「嗰陣我得26歲，又斯文又靚仔，突然間要剃頭做一個60歲嘅軍閥，仲要講國語粗口，我本來唔肯拍，剃頭好難睇，後來邵逸夫親自打電話畀我，問我點解唔把握機會，電影係大銀幕，電視係細螢幕呀。」其後受李翰祥的影響，令許冠文決定以導演為終身職業：「嗰陣未拍《大軍閥》之前，我覺得演戲好膚淺，行埋去咪做吓戲，就算做笑話都係行埋去搞搞陣，玩玩吓，係唔可以成為終身事業，不過同李翰祥合作嘅時候，因為佢都係自編自導，有時食飯都會講吓套戲，佢會覺得嗰個時代或者啲軍閥有啲嘢唔啱，咪要咁樣拍同描寫佢，我發現原來係可以用咁大個螢幕，將自己嘅心聲講嚟而影響全世界，呢樣係好有興趣。」
其後在李翰祥的指導下，許冠文自編自導自演拍的第一套作品《鬼馬雙星》面世，上畫即大破六百萬關口，打破香港的中西票房紀錄，1976年的《半斤八両》以八百多萬再締佳績，到了1981年再憑《摩登保鑣》以1700多萬票房
